പശ്ചിമ ബംഗാളിൽ ജനാധിപത്യം വെന്റിലേറ്ററിലാണെന്നും ഭരണഘടനാ മൂല്യങ്ങളെ തകർത്ത് രാജ്യത്തെ 'ബനാന റിപ്പബ്ലിക്' (അരാജകത്വ രാജ്യം) ആക്കി മാറ്റാനാണ് ബിജെപി ശ്രമിക്കുന്നതെന്നും കോൺഗ്രസ് സംഘടനാ ജനറൽ സെക്രട്ടറി കെ. സി. വേണുഗോപാൽ കുറ്റപ്പെടുത്തി. "പ്രതിപക്ഷ മുക്ത ഭാരതം" എന്ന ലക്ഷ്യത്തോടെയാണ് ബിജെപി ഭരണകൂടവും ഏജൻസികളും പ്രവർത്തിക്കുന്നത്. തൃണമൂൽ കോൺഗ്രസ് അധ്യക്ഷ മമത ബാനർജി കോൺഗ്രസിന് പിന്തുണ പ്രഖ്യാപിച്ച് മിനിറ്റുകൾക്കകം, 2007-ലെ 19 വർഷം പഴക്കമുള്ള കേസ് ഉയർത്തിക്കാട്ടി കോൺഗ്രസ് സ്ഥാനാർത്ഥിയെ അറസ്റ്റ് ചെയ്തത് ഇതിന്റെ വ്യക്തമായ തെളിവാണ്.
ജനാധിപത്യത്തെ തട്ടിയെടുക്കാൻ ബിജെപി ഏത് അറ്റുവരെയും പോകുമെന്നാണ് ഇത്തരം പ്രതികാര നടപടികൾ വ്യക്തമാക്കുന്നത്. എന്നാൽ ബ്രിട്ടീഷ് ഭരണത്തിനെതിരെ പോരാടി രാജ്യത്തിന് സ്വാതന്ത്ര്യം നേടിത്തന്ന കോൺഗ്രസ് പ്രസ്ഥാനത്തെ ഇത്തരത്തിലുള്ള തരംതാഴ്ന്ന ഭീഷണിപ്പെടുത്തലുകൾ കൊണ്ട് ഭയപ്പെടുത്താനാവില്ല. ബിജെപിയുടെ ഈ അധികാര ദുർവിനിയോഗത്തിനെതിരെ ശക്തമായി തലയുയർത്തി നിൽക്കുമെന്നും വരും തിരഞ്ഞെടുപ്പുകളിൽ ബിജെപിയുടെ പരാജയം ഉറപ്പാക്കുമെന്നും അദ്ദേഹം കൂട്ടിച്ചേർത്തു.
