തിരുവനന്തപുരം: യൂണിവേഴ്‌സിറ്റി കോളേജ് ഹോസ്റ്റലിലെ സംഘർഷത്തിൽ അക്രമം അഴിച്ചുവിട്ട എസ്.എഫ്.ഐ പ്രവർത്തകർക്കെതിരെ കേസെടുത്ത പോലീസിനെയും, കോൺഗ്രസ് പാർട്ടിക്കുമെതിരെ ഭീഷണി മുഴക്കി സി.പി.എം നേതാക്കൾ. കലാപമുണ്ടാക്കിയവർക്കെതിരെ നിയമപരമായി കേസെടുത്ത പോലീസിനെതിരെ പ്രതികാര നടപടി സ്വീകരിക്കുമെന്ന മുന്നറിയിപ്പാണ് സി.പി.എം നൽകുന്നത്. എസ്.എഫ്.ഐ പ്രവർത്തകർക്കെതിരെ തൊട്ടുകളിച്ചാൽ പോലീസായാലും ഉദ്യോഗസ്ഥരായാലും സ്ഥലംമാറ്റി കളയുമെന്ന് സി.പി.എം നേതാവ് കടകംപള്ളി സുരേന്ദ്രൻ മാധ്യമങ്ങൾക്ക് മുന്നിൽ പരസ്യമായി ഭീഷണി മുഴക്കി.
എസ്.എഫ്.ഐയും ഡി.വൈ.എഫ്.ഐയും നടത്തിയ അതിക്രമങ്ങൾക്ക് പൂർണ്ണ പിന്തുണ നൽകുകയും അക്രമരാഷ്ട്രീയത്തിന് കുടപിടിക്കുകയും ചെയ്യുന്ന നിലപാടാണ് സി.പി.എം സ്വീകരിക്കുന്നത്. മുൻ മന്ത്രി കെ.കെ. ശൈലജ ഉൾപ്പെടെയുള്ള മുതിർന്ന നേതാക്കളുടെ നേതൃത്വത്തിൽ സെക്രട്ടേറിയറ്റിന് മുന്നിൽ പ്രതിഷേധ ധർണ്ണയും സംഘടിപ്പിച്ചു. യൂണിവേഴ്‌സിറ്റി കോളേജിൽ നിന്ന് മദ്യക്കുപ്പികളും കല്ലുകളുമെറിഞ്ഞ് ക്രമസമാധാന നില തകർത്തവർക്കെതിരെ നടപടിയെടുക്കാൻ ശ്രമിച്ച പോലീസിനെയും സർക്കാരിനെയും സമ്മർദ്ദത്തിലാക്കാനാണ് സി.പി.എമ്മിന്റെ ഈ നീക്കം
