തിരുവനന്തപുരം: കേരള വനനിയമ ഭേദഗതി കരട് വിജ്ഞാപനം കര്‍ഷക-ആദിവാസി ദ്രോഹമാണെന്നും അത് അടിയന്തരമായി പിന്‍വലിക്കണമെന്നും കെപിസിസി പ്രസിഡന്റ് കെ.സുധാകരന്‍ എംപി. വനപാലകര്‍ക്ക് വാറന്റില്ലാതെ പരിശോധന നടത്താനും അറസ്റ്റ് ചെയ്യാനും അനധികൃതമായി തടങ്കലില്‍ സൂക്ഷിക്കാനും അമിതാധികാരം നല്‍കുമ്പോള്‍ കര്‍ഷകരും ആദിവാസി സമൂഹവും അതിന്റെ കെടുതി അനുഭവിക്കേണ്ടി വരും.
സര്‍ക്കാരിന്റെ വനനിയമ ഭേദഗതി കരട് വിജ്ഞാപനം വന്യജീവി അക്രമത്തില്‍ ഭയന്ന് ജീവിക്കുന്നവര്‍ക്ക് കടുത്ത ഭീഷണിയാണെന്നും കെ.സുധാകരന്‍ ചൂണ്ടിക്കാട്ടി. ഈ പുതിയ ഭേദഗതി വനാതിര്‍ത്തിയോട് ചേര്‍ന്ന് താമസിക്കുന്ന കര്‍ഷകരെ കുടിയിറക്കാനുള്ള ഗൂഢനീക്കത്തിന്റെ ഭാഗമാണോ എന്നതും സംശയമാണ്. വളര്‍ത്തു മൃഗങ്ങളെ മേയ്ക്കുന്നതും, വിറക് പെറുക്കുന്നതും മീന്‍ പിടിക്കുന്നതും പുഴയില്‍ കുളിക്കുന്നതുമൊക്കെ വലിയ കുറ്റകൃത്യങ്ങളായി നിര്‍ദ്ദേശിക്കുന്ന ഭേദഗതി ജനവിരുദ്ധമാണ്.
ഒരു കിലോ മീറ്റര്‍ ബഫര്‍ സോണും നിര്‍മാണ നിരോധനവും നടത്തി കര്‍ഷകരെ ഉപദ്രവിച്ച ഇടതുസര്‍ക്കാരിന്റെ തലതിരിഞ്ഞ ഭേദഗതി നിര്‍ദ്ദേശമാണിത്. കര്‍ഷകര്‍ ഭരണകക്ഷിയായ കേരള കോണ്‍ഗ്രസ് എടുക്കുന്ന നിലപാട് കാണാന്‍ കാത്തിരിക്കുന്നുവെന്നും കെ.സുധാകരന്‍ എംപി പറഞ്ഞു.
വനനിയമ ഭേദഗതി കരട് വിജ്ഞാപനം കര്‍ഷക-ആദിവാസ ദ്രോഹമെന്ന് കെ.സുധാകരന്‍ എംപി
Jaihind TV News Report
Jaihind TV Web Desk
Updated Oct 13, 2026
2 min read
211 reads
തിരുവനന്തപുരം: കേരള വനനിയമ ഭേദഗതി കരട് വിജ്ഞാപനം കര്‍ഷക-ആദിവാസി ദ്രോഹമാണെന്നും അത് അടിയന്തരമായി പിന്‍വലിക്കണമെന്നും കെപിസിസി പ്രസിഡന്റ് കെ.സുധാകരന്‍ എംപി. വനപാലകര്‍ക്ക് വാറന്റില്ലാതെ പരിശോധന നടത്താനും അറസ്റ്റ് ചെയ്യാനും അനധികൃതമായി തടങ്കലില്‍ സൂക്ഷിക്കാനും അമിതാധികാരം നല്‍കുമ്പോള്‍ കര്‍ഷകരും ആദിവാസി സമൂഹവും അതിന്റെ കെടുതി അനുഭവിക്കേണ്ടി വരും.
സര്‍ക്കാരിന്റെ വനനിയമ ഭേദഗതി കരട് വിജ്ഞാപനം വന്യജീവി അക്രമത്തില്‍ ഭയന്ന് ജീവിക്കുന്നവര്‍ക്ക് കടുത്ത ഭീഷണിയാണെന്നും കെ.സുധാകരന്‍ ചൂണ്ടിക്കാട്ടി. ഈ പുതിയ ഭേദഗതി വനാതിര്‍ത്തിയോട് ചേര്‍ന്ന് താമസിക്കുന്ന കര്‍ഷകരെ കുടിയിറക്കാനുള്ള ഗൂഢനീക്കത്തിന്റെ ഭാഗമാണോ എന്നതും സംശയമാണ്. വളര്‍ത്തു മൃഗങ്ങളെ മേയ്ക്കുന്നതും, വിറക് പെറുക്കുന്നതും മീന്‍ പിടിക്കുന്നതും പുഴയില്‍ കുളിക്കുന്നതുമൊക്കെ വലിയ കുറ്റകൃത്യങ്ങളായി നിര്‍ദ്ദേശിക്കുന്ന ഭേദഗതി ജനവിരുദ്ധമാണ്.
ഒരു കിലോ മീറ്റര്‍ ബഫര്‍ സോണും നിര്‍മാണ നിരോധനവും നടത്തി കര്‍ഷകരെ ഉപദ്രവിച്ച ഇടതുസര്‍ക്കാരിന്റെ തലതിരിഞ്ഞ ഭേദഗതി നിര്‍ദ്ദേശമാണിത്. കര്‍ഷകര്‍ ഭരണകക്ഷിയായ കേരള കോണ്‍ഗ്രസ് എടുക്കുന്ന നിലപാട് കാണാന്‍ കാത്തിരിക്കുന്നുവെന്നും കെ.സുധാകരന്‍ എംപി പറഞ്ഞു.
