തിരുവനന്തപുരം: തലസ്ഥാനത്ത് പ്രധാന വ്യാപാര കേന്ദ്രമായ ചാലയില്‍ വന്‍ സ്വര്‍ണക്കവര്‍ച്ച. വൈഷ്ണവി ജ്വല്ലറി ഉടമയും മഹാരാഷ്ട്ര സ്വദേശിയുമായ നന്ദകുമാറില്‍ നിന്നാണ് 250 പവനോളം സ്വര്‍ണം കവര്‍ന്നത്. ഇന്നലെ രാത്രി ജ്വല്ലറി അടച്ച് ബൈക്കില്‍ വീട്ടിലേക്ക് മടങ്ങുമ്പോഴായിരുന്നു സംഭവം.
രാത്രി 10 മണിയോടെയാണ് നന്ദകുമാര്‍ ജ്വല്ലറിയില്‍ നിന്ന് വീട്ടിലേക്ക് പുറപ്പെട്ടത്. ജ്വല്ലറിക്ക് അധികം അകലെയല്ലാത്ത ആളൊഴിഞ്ഞ ഇടവഴിയില്‍ വെച്ച് മറ്റൊരു ബൈക്കിലെത്തിയ രണ്ടുപേര്‍ ചേര്‍ന്ന് കൈയില്‍1ണ്ടായിരുന്ന സ്വര്‍ണം പിടിച്ചുപറിക്കുകയായിരുന്നുവെന്നാണ് അദ്ദേഹം പൊലീസിന് നല്‍കിയ മൊഴി. ഏകദേശം ഒരു കോടിയോളം രൂപ വിലമതിക്കുന്ന സ്വര്‍ണമാണ് നഷ്ടപ്പെട്ടതെന്നാണ് വിവരം.
സംഭവത്തില്‍ ഫോര്‍ട്ട് പൊലീസ് കേസെടുത്ത് അന്വേഷണം ആരംഭിച്ചു. ഇത്രയധികം സ്വര്‍ണം രാത്രി സമയത്ത് ജ്വല്ലറിയില്‍ നിന്ന് വീട്ടിലേക്ക് കൊണ്ടുപോയത് എന്തിനാണെന്ന ഉള്‍പ്പെടെയുള്ള കാര്യങ്ങള്‍ പൊലീസ് പരിശോധിച്ചു വരുന്നുണ്ട്. പ്രതികള്‍ക്കായി സമീപത്തെ സിസിടിവി ദൃശ്യങ്ങള്‍ കേന്ദ്രീകരിച്ചും അന്വേഷണം ഊര്‍ജിതമാക്കിയിട്ടുണ്ട്.
തിരുവനന്തപുരത്ത് വന്‍ കവര്‍ച്ച; ചാലയിലെ ജ്വല്ലറി ഉടമയില്‍ നിന്നും തട്ടിയെടുത്തത് 250 പവന്‍ സ്വര്‍ണം, CCTV കേന്ദ്രീകരിച്ച് അന്വേഷണം
Jaihind TV News Report
Jaihind TV Web Desk
2 min read
773 reads
