തദ്ദേശതെരഞ്ഞെടുപ്പ് : സംസ്ഥാനത്തെ അഞ്ച് ജില്ലകളിലായി നടന്ന ഒന്നാം ഘട്ട വോട്ടെടുപ്പിൽ മികച്ച പോളിംഗ്
Jaihind TV News Report
Jaihind TV Web Desk
December 08, 2020
1 min read
•
Updated: June 10, 2026
സംസ്ഥാനത്ത് നടക്കുന്ന തദ്ദേശ സ്വയംഭരണ സ്ഥാപനത്തിലേക്ക് നടത്തുന്ന തെരഞ്ഞെടുപ്പിന്റെ ആദ്യ ഘട്ട പോളിംഗ് അവസാനിച്ചു. കൊവിഡ് ഭീതി നിലനിൽക്കുന്നതിനിടെയും ആദ്യഘട്ടത്തിൽ 75 ശതമാനത്തിലേറെ പേർ വോട്ട് രേഖപ്പെടുത്തിയെന്ന് തെരഞ്ഞെടുപ്പ് കമ്മീഷൻ വ്യക്തമാക്കി. ഉയർന്ന പോളിങ് ആലപ്പുഴയിലും കുറവ് തിരുവനന്തപുരത്തുമാണ് രേഖപ്പെടുത്തിയത്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി എന്നീ ജില്ലകളിലേക്കാണ് ആദ്യഘട്ടം വോട്ടെടുപ്പ് നടന്നത്. പതിവ് പോലെ തിരുവനന്തപുരം ജില്ലയിൽ പോളിംഗ് കുറഞ്ഞു നിന്നപ്പോൾ ആലപ്പുഴ, ഇടുക്കി, കൊല്ലം, പത്തനംതിട്ട ജില്ലകളിൽ മികച്ച പോളിംഗ് രേഖപ്പെടുത്തി. തിരുവനന്തപുരം - 69.14, കൊല്ലം- 72.85, പത്തനംതിട്ട - 69.36, ആലപ്പുഴ -76.49, ഇടുക്കി - 74.03 എന്നിങ്ങനെയാണ് ജില്ലകളിലെ പോളിംഗ് ശതമാനം.
വോട്ടെടുപ്പിനിടെ രണ്ട് വോട്ടർമാർ കുഴഞ്ഞു വീണു മരിച്ചു
രണ്ടാം ഘട്ട തെരഞ്ഞെടുപ്പ് നടക്കുന്ന കോട്ടയം, എറണാകുളം, തൃശ്ശൂര്, പാലക്കാട്, വയനാട് ജില്ലകളില് പരസ്യപ്രചരണം വൈകിട്ട് ആറുമണിക്ക് സമാപിച്ചു. രണ്ടാം ഘട്ട വോട്ടെടുപ്പ് 10 ആം തീയതിയും മൂന്നാം ഘട്ടം 14നുമാണ് ഉണ്ടാകുക. 16 ആം തീയതിയാണ് വോട്ടെണ്ണൽ.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10