നെയ്യാറ്റിന്‍കര: എല്‍ദോസ് കുന്നപ്പിള്ളിക്കെതിരെയുള്ള പീഡനക്കേസില്‍ നിര്‍ണായക മൊഴി. എല്‍ദോസ് കുന്നപ്പിള്ളി തന്നെ പീഡിപ്പിച്ചിട്ടില്ലെന്ന് അതിജീവിത കോടതിയില്‍ മൊഴി നല്‍കി. നെയ്യാറ്റിന്‍കര അതിവേഗ പോക്‌സോ കോടതി ഒന്നിലാണ് അതിജീവിത പുതിയ മൊഴി നല്‍കിയത്.
കേസിലെ ഒന്നാം സാക്ഷിയായ അതിജീവിതയെ കോടതി വിസ്തരിക്കുന്ന വേളയിലാണ് പരാതിക്ക് വിരുദ്ധമായ ഈ നിര്‍ണായക വെളിപ്പെടുത്തല്‍ ഉണ്ടായത്. കോവളം ഉള്‍പ്പെടെ ആറ് കേന്ദ്രങ്ങളില്‍ വച്ച് എം.എല്‍.എ തന്നെ പീഡിപ്പിച്ചു എന്നായിരുന്നു അതിജീവിതയുടെ മുന്‍പത്തെ പരാതി. എന്നാല്‍ വിസ്താര വേളയില്‍ ഈ ആരോപണങ്ങളെല്ലാം അതിജീവിത കോടതിയില്‍ പൂര്‍ണ്ണമായി നിഷേധിക്കുകയായിരുന്നു.
അതിജീവിതയ്ക്ക് പുറമെ കേസിലെ മറ്റ് രണ്ട് പ്രധാന സാക്ഷികളും മുന്‍പ് നല്‍കിയ മൊഴികള്‍ കോടതിയില്‍ നിഷേധിച്ചിട്ടുണ്ട്. സാക്ഷികള്‍ കൂട്ടത്തോടെ മൊഴി മാറ്റിയതോടെ കേസ് നിര്‍ണായക വഴിത്തിരിവിലേക്കാണ് എത്തിയിരിക്കുന്നത്. കേസ് വീണ്ടും നാളെ കോടതി പരിഗണിക്കും.
എല്‍ദോസ് കുന്നപ്പിള്ളിക്കെതിരായ പീഡനക്കേസ്; പീഡിപ്പിച്ചിട്ടില്ലെന്ന് അതിജീവിതയുടെ മൊഴി; സാക്ഷികളും ആരോപണം നിഷേധിച്ചു
Jaihind TV News Report
Jaihind TV Web Desk
Updated Oct 11, 2026
1 min read
159 reads
