തിരുവനന്തപുരം: ഇഡി ഉദ്യോഗസ്ഥരെ ആക്രമിച്ച കേസിലെ ഒമ്പതാം പ്രതി ഹരീഷ് കുമാറിന് ജാമ്യം അനുവദിച്ചതിനെതിരെയുള്ള ഹര്‍ജികള്‍ ഇന്ന് ഹൈക്കോടതിയും തിരുവനന്തപുരം പ്രിന്‍സിപ്പല്‍ സെഷന്‍സ് കോടതിയും പരിഗണിക്കും. പ്രതിയുടെ ജാമ്യം റദ്ദാക്കണമെന്ന് ആവശ്യപ്പെട്ട് പോലീസും ഇഡിയുമാണ് കോടതികളെ സമീപിച്ചത്.
കീഴ്‌ക്കോടതിയില്‍ പ്രതിക്ക് അനുകൂലമായി നിലപാടെടുത്ത മുന്‍ പബ്ലിക് പ്രോസിക്യൂട്ടര്‍ ഗീനാകുമാരിയെക്കൂടി എതിര്‍കക്ഷിയാക്കിയാണ് പോലീസ് ഹൈക്കോടതിയില്‍ അപ്പീല്‍ നല്‍കിയിരിക്കുന്നത്.
പ്രതിക്ക് ജാമ്യം അനുവദിച്ച നടപടി ചോദ്യം ചെയ്ത് ഇഡി സമര്‍പ്പിച്ച ഹര്‍ജിയാണ് തിരുവനന്തപുരം പ്രിന്‍സിപ്പല്‍ സെഷന്‍സ് കോടതി ഇന്ന് പരിഗണിക്കുന്നത്. ജാമ്യ വിവാദത്തിന് പിന്നാലെ ഗീനാകുമാരിയെ മാറ്റിയ സര്‍ക്കാര്‍, സന്തോഷ് കുമാറിനെ സ്‌പെഷ്യല്‍ പ്രോസിക്യൂട്ടറായി നിയമിച്ചിട്ടുണ്ട്.
ഇഡി ഉദ്യോഗസ്ഥരെ ആക്രമിച്ച കേസ്: പ്രതിയുടെ ജാമ്യം റദ്ദാക്കണമെന്ന പോലീസിന്റെയും ഇഡിയുടെയും ഹര്‍ജികള്‍ ഇന്ന് കോടതിയില്
Jaihind TV News Report
Jaihind TV Web Desk
Updated Oct 12, 2026
1 min read
534 reads
