'കോണ്‍ഗ്രസ് നിലകൊള്ളുന്നത് ജനങ്ങള്‍ക്കുവേണ്ടി, പോരാട്ടത്തിന് ജനപിന്തുണയുണ്ട്'; മല്ലികാർജുന്‍ ഖാർഗെ

  ന്യൂഡല്‍ഹി: ജനങ്ങളുടെ പ്രശ്നങ്ങൾ കണക്കിലെടുത്താണ് കോൺഗ്രസ് എപ്പോഴും പ്രവർത്തിക്കുന്നതെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ. ഡോ. മൻമോഹൻ സിംഗ് പ്രധാനമന്ത്രിയും സോണിയ ഗാന്ധി ചെയർപേഴ്‌സണും ആയിരുന്നപ്പോൾ പാവപ്പെട്ടവർക്കായി കോൺഗ്രസ് പദ്ധതികൾ കൊണ്ടുവന്നു. അത് ജനങ്ങൾക്ക് പ്രയോജനം ചെയ്തു. എന്നാൽ നരേന്ദ്ര മോദി തൊഴിലില്ലായ്മ, പണപ്പെരുപ്പം, സാമ്പത്തിക അസമത്വം, ഭരണഘടനാ സ്ഥാപനങ്ങളുടെ ദുരുപയോഗം തുടങ്ങിയ വിഷയങ്ങൾ പ്രോത്സാഹിപ്പിച്ചു. ഇതിനെതിരെ കോൺഗ്രസ് പോരാടുകയും പൊതുജനങ്ങളിൽ നിന്ന് പൂർണ്ണ പിന്തുണ ലഭിക്കുകയും ചെയ്തുവെന്നും മല്ലികാർജുൻ ഖാർഗെ ഡൽഹിയിൽ നടത്തിയ വാർത്താസമ്മേളനത്തിൽ പറഞ്ഞു. എഐസിസി ജനറല്‍ സെക്രട്ടറിമാരായ കെ.സി. വേണുഗോപാൽ, ജയ്‌റാം രമേശ് തുടങ്ങിയ നേതാക്കളും വാർത്താ സമ്മേളനത്തിൽ പങ്കെടുത്തു.