ന്യൂഡല്‍ഹി: ശനിയാഴ്ച നടക്കാനിരിക്കുന്ന സിജെപി പ്രതിഷേധത്തിന്റെ പശ്ചാത്തലത്തില്‍ സുരക്ഷ കടുപ്പിച്ച് ഡല്‍ഹി പോലീസ്. പ്രതിഷേധ വേദിയായ ജന്തര്‍ മന്ദറിന് ചുറ്റുമുള്ള മേഖലകളില്‍ ഇന്റര്‍നെറ്റ് സേവനങ്ങള്‍ താത്കാലികമായി നിര്‍ത്തിവെക്കാന്‍ ടെലികോം കമ്പനികള്‍ക്ക് പോലീസ് നിര്‍ദ്ദേശം നല്‍കി. വെള്ളിയാഴ്ച രാത്രി 10 മണി മുതല്‍ അടുത്ത 24 മണിക്കൂര്‍ നേരത്തേക്കാണ് ഇന്റര്‍നെറ്റ് സസ്പെന്‍ഷന്‍ പ്രാബല്യത്തില്‍ വരുന്നത്.
ജന്‍പഥ് - കര്‍ത്തവ്യപഥ് പ്രദേശങ്ങളുടെ 4 കിലോമീറ്റര്‍ ചുറ്റളവിലാണ് ഇന്റര്‍നെറ്റ് സേവനങ്ങള്‍ റദ്ദാക്കാന്‍ ആവശ്യപ്പെട്ടിട്ടുള്ളത്. വോട്ടര്‍പട്ടിക ക്രമക്കേട് ആരോപിച്ച്, ചീഫ് ഇലക്ഷന്‍ കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ടാണ് സി.ജെ.പി ജന്തര്‍ മന്ദറില്‍ ബഹുജന പ്രതിഷേധം സംഘടിപ്പിക്കുന്നത്. ഡല്‍ഹിയില്‍ പ്രതിഷേധക്കാരെ തടയുന്നതിനായി വിപുലമായ പോലീസ് സന്നാഹമാണ് നിലയുറപ്പിച്ചിട്ടുള്ളത്.
സി.ജെ.പി പ്രതിഷേധം; ജന്തര്‍ മന്ദറിന് ചുറ്റും ഇന്റര്‍നെറ്റ് സേവനങ്ങള്‍ റദ്ദാക്കി; കമ്പനികള്‍ക്ക് നിര്‍ദേശം നല്‍കി പോലീസ്
Jaihind TV News Report
Jaihind TV Web Desk
1 min read
23 reads
