ന്യൂഡല്‍ഹി: ഇസ്രായേല്‍ - ഇറാന്‍ സംഘര്‍ഷവുമായി ബന്ധപ്പെട്ട് വാര്‍ത്താ ചാനലുകള്‍ നല്‍കുന്ന റിപ്പോര്‍ട്ടുകള്‍ പൊതുജനങ്ങളില്‍ പരിഭ്രാന്തി സൃഷ്ടിക്കുന്നു എന്ന വിലയിരുത്തലിനെത്തുടര്‍ന്ന് ചാനല്‍ റേറ്റിംഗുകള്‍ക്ക് കേന്ദ്ര സര്‍ക്കാര്‍ താല്‍ക്കാലിക വിലക്കേര്‍പ്പെടുത്തി. ടെലിവിഷന്‍ ചാനലുകളുടെ റേറ്റിംഗ് നിശ്ചയിക്കുന്ന ബാര്‍ക് (BROADCAST AUDIENCE RESEARCH COUNCIL) ഡാറ്റ പുറത്തുവിടുന്നത് നാലാഴ്ചത്തേക്കോ അല്ലെങ്കില്‍ അടുത്ത അറിയിപ്പ് ഉണ്ടാകുന്നത് വരെയോ ആണ് കേന്ദ്ര വാര്‍ത്താ വിതരണ മന്ത്രാലയം തടഞ്ഞത്.
പശ്ചിമേഷ്യയിലെ യുദ്ധസമാനമായ സാഹചര്യം റിപ്പോര്‍ട്ട് ചെയ്യുന്നതില്‍ ചില ചാനലുകള്‍ അനാവശ്യമായ ഊഹാപോഹങ്ങളും ഭീതിജനകമായ വാര്‍ത്തകളും നല്‍കുന്നതായി മന്ത്രാലയത്തിന്റെ ശ്രദ്ധയില്‍പ്പെട്ടിട്ടുണ്ട്. ഇത് ജനങ്ങള്‍ക്കിടയില്‍ തെറ്റായ ധാരണകള്‍ക്കും ആശങ്കയ്ക്കും കാരണമാകുമെന്ന് സര്‍ക്കാര്‍ പുറത്തിറക്കിയ ഉത്തരവില്‍ പറയുന്നു. 2014ല്‍ വാര്‍ത്താ വിതരണ മന്ത്രാലയം പുറപ്പെടുവിച്ച 'ടെലിവിഷന്‍ റേറ്റിംഗ് ഏജന്‍സികള്‍ക്കുള്ള നയ മാര്‍ഗനിര്‍ദ്ദേശങ്ങള്‍' പ്രകാരം രജിസ്റ്റര്‍ ചെയ്തിട്ടുള്ള സ്ഥാപനമാണ് ബാര്‍ക്. സര്‍ക്കാരിന്റെ ചട്ടങ്ങളും മാര്‍ഗനിര്‍ദ്ദേശങ്ങളും പാലിക്കാന്‍ ഇത്തരം ഏജന്‍സികള്‍ക്ക് നിയമപരമായ ബാധ്യതയുണ്ടെന്നും ഉത്തരവ് വ്യക്തമാക്കുന്നു.
നിലവില്‍ നാലാഴ്ചത്തേക്കാണ് റേറ്റിംഗ് ഡാറ്റാ വിലക്ക് ഏര്‍പ്പെടുത്തിയിരിക്കുന്നത്. സ്ഥിതിഗതികള്‍ വിലയിരുത്തിയ ശേഷം ഇതില്‍ മാറ്റം വരുത്തും. യുദ്ധവാര്‍ത്തകള്‍ സെന്‍സേഷണലൈസ് ചെയ്യുന്നതിലൂടെ ചാനലുകള്‍ക്കിടയില്‍ ടിആര്‍പി റേറ്റിംഗിനായി നടക്കുന്ന മത്സരത്തിന് തടയിടുക എന്നതാണ് ഈ നീക്കത്തിലൂടെ സര്‍ക്കാര്‍ ലക്ഷ്യമിടുന്നത്.
ഋ
യുദ്ധവാര്‍ത്തകളില്‍ പരിഭ്രാന്തി വേണ്ട; വാര്‍ത്താ ചാനലുകളുടെ ടിആര്‍പി റേറ്റിംഗ് നാലാഴ്ചത്തേക്ക് വിലക്കി കേന്ദ്ര സര്‍ക്കാര്‍
Jaihind TV News Report
Jaihind TV Web Desk
Updated Oct 09, 2026
2 min read
71 reads
ന്യൂഡല്‍ഹി: ഇസ്രായേല്‍ - ഇറാന്‍ സംഘര്‍ഷവുമായി ബന്ധപ്പെട്ട് വാര്‍ത്താ ചാനലുകള്‍ നല്‍കുന്ന റിപ്പോര്‍ട്ടുകള്‍ പൊതുജനങ്ങളില്‍ പരിഭ്രാന്തി സൃഷ്ടിക്കുന്നു എന്ന വിലയിരുത്തലിനെത്തുടര്‍ന്ന് ചാനല്‍ റേറ്റിംഗുകള്‍ക്ക് കേന്ദ്ര സര്‍ക്കാര്‍ താല്‍ക്കാലിക വിലക്കേര്‍പ്പെടുത്തി. ടെലിവിഷന്‍ ചാനലുകളുടെ റേറ്റിംഗ് നിശ്ചയിക്കുന്ന ബാര്‍ക് (BROADCAST AUDIENCE RESEARCH COUNCIL) ഡാറ്റ പുറത്തുവിടുന്നത് നാലാഴ്ചത്തേക്കോ അല്ലെങ്കില്‍ അടുത്ത അറിയിപ്പ് ഉണ്ടാകുന്നത് വരെയോ ആണ് കേന്ദ്ര വാര്‍ത്താ വിതരണ മന്ത്രാലയം തടഞ്ഞത്.
പശ്ചിമേഷ്യയിലെ യുദ്ധസമാനമായ സാഹചര്യം റിപ്പോര്‍ട്ട് ചെയ്യുന്നതില്‍ ചില ചാനലുകള്‍ അനാവശ്യമായ ഊഹാപോഹങ്ങളും ഭീതിജനകമായ വാര്‍ത്തകളും നല്‍കുന്നതായി മന്ത്രാലയത്തിന്റെ ശ്രദ്ധയില്‍പ്പെട്ടിട്ടുണ്ട്. ഇത് ജനങ്ങള്‍ക്കിടയില്‍ തെറ്റായ ധാരണകള്‍ക്കും ആശങ്കയ്ക്കും കാരണമാകുമെന്ന് സര്‍ക്കാര്‍ പുറത്തിറക്കിയ ഉത്തരവില്‍ പറയുന്നു. 2014ല്‍ വാര്‍ത്താ വിതരണ മന്ത്രാലയം പുറപ്പെടുവിച്ച 'ടെലിവിഷന്‍ റേറ്റിംഗ് ഏജന്‍സികള്‍ക്കുള്ള നയ മാര്‍ഗനിര്‍ദ്ദേശങ്ങള്‍' പ്രകാരം രജിസ്റ്റര്‍ ചെയ്തിട്ടുള്ള സ്ഥാപനമാണ് ബാര്‍ക്. സര്‍ക്കാരിന്റെ ചട്ടങ്ങളും മാര്‍ഗനിര്‍ദ്ദേശങ്ങളും പാലിക്കാന്‍ ഇത്തരം ഏജന്‍സികള്‍ക്ക് നിയമപരമായ ബാധ്യതയുണ്ടെന്നും ഉത്തരവ് വ്യക്തമാക്കുന്നു.
നിലവില്‍ നാലാഴ്ചത്തേക്കാണ് റേറ്റിംഗ് ഡാറ്റാ വിലക്ക് ഏര്‍പ്പെടുത്തിയിരിക്കുന്നത്. സ്ഥിതിഗതികള്‍ വിലയിരുത്തിയ ശേഷം ഇതില്‍ മാറ്റം വരുത്തും. യുദ്ധവാര്‍ത്തകള്‍ സെന്‍സേഷണലൈസ് ചെയ്യുന്നതിലൂടെ ചാനലുകള്‍ക്കിടയില്‍ ടിആര്‍പി റേറ്റിംഗിനായി നടക്കുന്ന മത്സരത്തിന് തടയിടുക എന്നതാണ് ഈ നീക്കത്തിലൂടെ സര്‍ക്കാര്‍ ലക്ഷ്യമിടുന്നത്.
ഋ
