കണ്ണൂര്‍ തളിപ്പറമ്പില്‍ മന്ത്രി ഒ.ജെ.ജനീഷിന്റെ വാഹനത്തിന് നേരെ അക്രമം നടത്തിയ ആറ് എസ്.എഫ്.ഐ-ഡി.വൈ.എഫ്.ഐ പ്രവര്‍ത്തകര്‍ റിമാന്‍ഡില്‍. മോറാഴ സെന്‍ട്രലിലെ വാടി ഹൗസില്‍ പ്രജീഷ് ബാബു(30), പാലകുളങ്ങര മൈലപ്പുറത്ത് വീട്ടില്‍ കെ.കെ അക്ഷയ്(30), മോറാഴയിലെ കെ.എം.അതുല്‍രാജ്(25), ബക്കളം കാനൂലിലെതിക്കല്‍ വീട്ടില്‍ ടി.സിദ്ധാര്‍ത്ഥ്(23), മഴൂര്‍ പള്ളിവയലിലെ വെറ്റിലോട് വീട്ടില്‍ ബിനില്‍ കൃഷ്ണന്‍(27), മോറാഴയിലെ കേളോത്ത് വീട്ടില്‍കെ.രമിത്ത്(32) എന്നിവര്‍ക്കെതിരെയാണ് കേസ്.
ഡിവൈഎഫ്ഐ - എസ്എഫ്ഐ പ്രവര്‍ത്തകരായ പതിനാലോളം ആള്‍ക്കാര്‍ ന്യായവിരുദ്ധമായി സംഘം ചേര്‍ന്ന് മുദ്രാവാക്യം വിളിച്ചുകൊണ്ട് മന്ത്രി വാഹനത്തിന് നേരെ പാഞ്ഞ് അടുക്കുകയും കൈയ്യിലുണ്ടായിരുന്ന കൊടി വീശി പ്രതിഷേധിക്കുകയും ബോണറ്റിലും സൈഡ് ഗ്ലാസുകളിലും അടിച്ച് കാറിന് കേടുപാടുകള്‍വരുത്തുകയും ചെയ്തുവെന്ന കേസിലാണ് ആറുപേരെ അറസ്റ്റ്ചെയ്തത്.പയ്യന്നൂരില്‍ മന്ത്രി ഒ.ജെ. ജനീഷിന്റെ വാഹനം തടയുകയും ആക്രമിക്കുകയും ചെയ്ത സംഭവത്തില്‍ 10 ഡിവൈഎഫ്ഐ പ്രവര്‍ത്തകര്‍ക്കെതിരെയാണ് പോലീസ് കേസെടുത്തിട്ടുള്ളത്. മന്ത്രിയുടെ വാഹനം തടഞ്ഞ് ആക്രമണം നടത്തുകയും ഒപ്പമുണ്ടായിരുന്ന നേതാക്കളെ ഭീഷണിപ്പെടുത്തുകയും ചെയ്ത സംഭവത്തിലാണ് പയ്യന്നൂര്‍ പോലീസ് എഫ്.ഐ.ആര്‍ രജിസ്റ്റര്‍ ചെയ്ത് അന്വേഷണം ആരംഭിച്ചിരിക്കുന്നത്
മന്ത്രി ഒജെ ജനീഷിന്റെ കാറിന് നേരെ ആക്രമണം: ആറ് എസ്.എഫ്.ഐ-ഡി.വൈ.എഫ്.ഐ പ്രവര്‍ത്തകര്‍ റിമാൻഡിൽ
Jaihind TV News Report
Jaihind TV Web Desk
Updated Oct 12, 2026
2 min read
178 reads
