മുഖ്യമന്ത്രിക്കെതിരെ വ്യാജരേഖകൾ ചമച്ച് സർക്കാരിനെ അട്ടിമറിക്കാൻ ശ്രമിച്ചെന്ന പരാതിയിൽ റിപ്പോർട്ടർ ടിവി മാനേജിങ് എഡിറ്റർ ആന്റോ അഗസ്റ്റിൻ പൊലീസിന് മുന്നിൽ ഹാജരായി. കൊച്ചി കളമശേരി പൊലീസ് സ്റ്റേഷനിലാണ് അദ്ദേഹം ചോദ്യം ചെയ്യലിനായി എത്തിയത്.
മുഖ്യമന്ത്രി വി.ഡി. സതീശൻ രണ്ടാം വിവാഹം കഴിച്ചുവെന്ന തരത്തിലുള്ള ആരോപണങ്ങളുമായി ബന്ധപ്പെട്ടാണ് പൊലീസ് ആന്റോ അഗസ്റ്റിനെ ചോദ്യം ചെയ്യുന്നത്. കോൺഗ്രസ് നേതാവ് രാജു പി. നായർ നൽകിയ പരാതിയുടെ അടിസ്ഥാനത്തിലാണ് പൊലീസ് ഈ നടപടി സ്വീകരിച്ചിരിക്കുന്നത്.
മുഖ്യമന്ത്രിക്കെതിരെ വ്യാജരേഖകൾ നിർമ്മിച്ച് സർക്കാർ സംവിധാനങ്ങളെ അട്ടിമറിക്കാൻ ഗൂഢശ്രമം നടന്നെന്നാണ് പരാതിയിലെ പ്രധാന ആരോപണം. ആന്റോ അഗസ്റ്റിന്റെ കൈവശമുള്ളതായി പറയുന്ന, രണ്ട് യുവാക്കൾ കൈമാറിയ രേഖകൾ എത്രയും പെട്ടെന്ന് പിടിച്ചെടുക്കണമെന്നും പരാതിയിൽ ആവശ്യപ്പെട്ടിട്ടുണ്ട്.
