കൊച്ചി: സ്വാശ്രയ മേഖലയില്‍ പുതിയ കോഴ്സുകൾ അനുവദിക്കുന്നതിന് സർക്കാർ അനുമതി ആവശ്യമില്ലെന്ന പുതിയ തീരുമാനത്തെ ഇടതുപക്ഷ സംഘടനകൾ വക്രീകരിക്കുകയാണെന്ന് കോൺഗ്രസ് നേതാവ് അലോഷ്യസ് സേവ്യർ. ഉന്നത വിദ്യാഭ്യാസ മേഖലയിലെ കാലതാമസം ഒഴിവാക്കാനും സ്ഥാപനങ്ങള്‍ക്ക് ആവശ്യമായ അക്കാദമിക് സ്വാതന്ത്ര്യം നല്‍കാനുമാണ് ഈ നടപടിയെന്നും അദ്ദേഹം പറഞ്ഞു. കൊച്ചിയില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം.
പല സ്വാശ്രയ കോളേജുകളിലും നിലവില്‍ 50 ശതമാനത്തില്‍ താഴെ മാത്രമാണ് വിദ്യാര്‍ത്ഥി പ്രവേശനം നടക്കുന്നത്. ഈ അവസ്ഥയ്ക്ക് സമഗ്രമായ മാറ്റം വരുത്താനാണ് യു.ഡി.എഫ് സര്‍ക്കാര്‍ ശ്രമിക്കുന്നതെന്നും അദ്ദേഹം വ്യക്തമാക്കി. പുതിയ കോഴ്‌സുകള്‍ ആരംഭിക്കാന്‍ എല്ലാ വര്‍ഷവും സര്‍ക്കാരിന്റെ അനുമതിക്കായി കാത്തിരിക്കുന്ന സാഹചര്യം ഒഴിവാക്കുകയാണ് പുതിയ തീരുമാനത്തിന്റെ പ്രധാന ലക്ഷ്യം.
വിദ്യാഭ്യാസ മേഖലയിലെ അനാവശ്യ തടസ്സങ്ങള്‍ നീക്കുന്ന ഈ പരിഷ്‌കാരത്തിനെതിരെ എസ്.എഫ്.ഐ നടത്തുന്ന വ്യാജ പ്രചാരണങ്ങളും അടിച്ചാക്ഷേപങ്ങളും അവസാനിപ്പിക്കണമെന്നും അലോഷ്യസ് സേവ്യര്‍ ആവശ്യപ്പെട്ടു.
സ്വാശ്രയ കോഴ്സ് അനുമതി: സർക്കാരിന്റെ തീരുമാനം സ്വാഗതാർഹം, ഇടത് സംഘടനകൾ വിഷയം വക്രീകരിക്കുകയാണെന്ന് അലോഷ്യസ് സേവ്യർ
Jaihind TV News Report
Jaihind TV Web Desk
2 min read
287 reads
