സിനിമാ നടന് അബു സലിം സഞ്ചരിച്ച കാര് അപകടത്തില്പ്പെട്ടു. വടക്കന് പറവൂര് തുരുത്തിപ്പുറം ഭുവനേശ്വരി ക്ഷേത്രത്തിന് സമീപം ഞായറാഴ്ച രാത്രി 8 മണിയോടെയായിരുന്നു സംഭവം. 'അമ്മ' ജനറല് ബോഡി യോഗത്തില് പങ്കെടുത്ത ശേഷം കല്പ്പറ്റയിലേക്ക് മടങ്ങുകയായിരുന്നു അബു സലിം.
അപകടത്തില് താരത്തിന്റെ കാറിന്റെ മുന്വശത്തിന്റെ ഒരു ഭാഗം പൂര്ണമായും തകര്ന്നു. അപകടസമയത്ത് കാറിലുണ്ടായിരുന്ന അബു സലിമിനും ഡ്രൈവര് അടക്കമുള്ള മറ്റ് രണ്ട് പേര്ക്കും പരിക്കുകളില്ല.
എതിരെ വന്ന കാറില് ദമ്പതികളും കുട്ടിയുമടക്കം മൂന്ന് പേരാണുണ്ടായിരുന്നത്. ഇവര്ക്ക് പരിക്കേറ്റിട്ടുണ്ടെങ്കിലും ആരുടെയും നില ഗുരുതരമല്ല.
നടന് അബു സലിം സഞ്ചരിച്ച കാര് അപകടത്തില്പ്പെട്ടു; അപകടം 'അമ്മ' ജനറല് ബോഡി യോഗം കഴിഞ്ഞ് മടങ്ങുന്നതിനിടെ
Jaihind TV News Report
Jaihind TV Web Desk
Updated Sep 29, 2026
1 min read
702 reads
