തിരുവനന്തപുരം: വിദ്യാര്ത്ഥികളുടെ ന്യായമായ സമരത്തിന് ഐക്യദാര്ഢ്യം പ്രഖ്യാപിച്ച് പ്രധാനമന്ത്രിയുടെ വസതിക്ക് മുന്നില് പ്രതിഷേധിച്ച കോണ്ഗ്രസ് നേതാക്കള്ക്കെതിരായ പോലീസ് നരനായാട്ടിനെതിരെ നാളെ സംസ്ഥാനവ്യാപക പ്രതിഷേധത്തിന് കോണ്ഗ്രസ്.
നാളെ (ജൂലൈ 22) വൈകിട്ട് ജില്ലാ ആസ്ഥാനങ്ങളിലും മണ്ഡലം കോണ്ഗ്രസ് കമ്മിറ്റികളുടെ നേതൃത്വത്തിലും സംസ്ഥാന വ്യാപകമായി പ്രതിഷേധ പ്രകടനങ്ങള് സംഘടിപ്പിക്കുമെന്ന് കെപിസിസിയുടെ സംഘടനാ ചുമതലയുള്ള ജനറല് സെക്രട്ടറി നെയ്യാറ്റിന്കര സനല് അറിയിച്ചു.
പ്രതിപക്ഷ നേതാവ് രാഹുല് ഗാന്ധി, എഐസിസി ജനറല് സെക്രട്ടറി പ്രിയങ്കാഗാന്ധി, കെ.സി. വേണുഗോപാല് ഉള്പ്പെടെയുള്ള കോണ്ഗ്രസ് നേതാക്കള്ക്കും ജനപ്രതിനിധികള്ക്കും എതിരെ കേന്ദ്രസേനയും ഡല്ഹി പോലീസും അതിക്രൂരമായ നടപടികളാണ് സ്വീകരിച്ചത്. രാഹുല് ഗാന്ധിയെയും പ്രിയങ്ക ഗാന്ധിയെയും ഉള്പ്പെടെയുള്ള നേതാക്കളെ വലിച്ചിഴച്ചാണ് പോലീസ് കസ്റ്റഡിയിലെടുത്തത്. പോലീസ് ബലപ്രയോഗത്തില് രാഹുല് ഗാന്ധിക്ക് മുഖത്ത് പരിക്കേറ്റു.
