തിരുവനന്തപുരം: സംസ്ഥാനത്തെ മന്ത്രിമാര്‍ക്ക് വിവിധ ജില്ലകളുടെ ഔദ്യോഗിക ചുമതല നല്‍കിക്കൊണ്ടുള്ള സര്‍ക്കാര്‍ ഉത്തരവ് പുറത്തിറങ്ങി. 14 മന്ത്രിമാര്‍ക്കാണ് 14 ജില്ലകളുടെ വികസന ഏകോപന ചുമതല വീതിച്ചു നല്‍കിയിരിക്കുന്നത്. ജില്ലകളിലെ വികസന പദ്ധതികള്‍ സമയബന്ധിതമായി പൂര്‍ത്തിയാക്കാനും ജനകീയ പ്രശ്‌നങ്ങളില്‍ ദ്രുതഗതിയില്‍ തീരുമാനമെടുക്കാനും ഈ വികേന്ദ്രീകരണം വഴി സാധിക്കും.
ഉത്തരവ് പ്രകാരം തലസ്ഥാന ജില്ലയായ തിരുവനന്തപുരത്തിന്റെ ചുമതല മന്ത്രി സി.പി. ജോണിനാണ്. എറണാകുളം ജില്ലയുടെ ചുമതല റോജി എം. ജോണിനും മലബാര്‍ മേഖലയിലെ പ്രധാന ജില്ലകളായ കണ്ണൂര്‍ സണ്ണി ജോസഫിനും കാസര്‍കോട് കെ.എം. ഷാജിക്കും നല്‍കി. അതേസമയം, ആഭ്യന്തരമന്ത്രി രമേശ് ചെന്നിത്തല, വ്യവസായ മന്ത്രി പി.കെ. കുഞ്ഞാലിക്കുട്ടി എന്നിവരെ ജില്ലകളുടെ പ്രത്യേക ചുമതലകളില്‍ നിന്ന് ഒഴിവാക്കിയിട്ടുണ്ട്. വകുപ്പുകളുടെ സംസ്ഥാനതലത്തിലുള്ള വിപുലമായ പ്രവര്‍ത്തനങ്ങള്‍ കണക്കിലെടുത്താണ് ഈ തീരുമാനം.
ജില്ലാതല വികസന സമിതി യോഗങ്ങള്‍ വിളിച്ചു ചേര്‍ക്കാനും പ്രാദേശികമായ
അടിയന്തര സാഹചര്യങ്ങള്‍, ദുരന്ത നിവാരണ പ്രവര്‍ത്തനങ്ങള്‍ തുടങ്ങിയവയ്ക്ക്
നേതൃത്വം നല്‍കാനും ഇനി മുതല്‍ അതത് ജില്ലകളുടെ ചുമതലയുള്ള
മന്ത്രിമാര്‍ക്കായിരിക്കും അധികാരം.
മന്ത്രിമാരും ചുമതല ലഭിച്ച ജില്ലകളും ;
തിരുവനന്തപുരം - സി.പി. ജോണ്‍
കൊല്ലം - ഷിബു ബേബി ജോണ്‍
പത്തനംതിട്ട - പി.സി. വിഷ്ണുനാഥ്
ആലപ്പുഴ - എം. ലിജു
കോട്ടയം - മോന്‍സ് ജോസഫ്
ഇടുക്കി - അനൂപ് ജേക്കബ്
എറണാകുളം - റോജി എം. ജോണ്‍
തൃശ്ശൂര്‍ - ഒ.ജെ. ജനീഷ്
പാലക്കാട് - എന്‍. ഷംസുദ്ദീന്‍
മലപ്പുറം - പി.കെ. ബഷീര്‍
കോഴിക്കോട് - എ.പി. അനില്‍കുമാര്‍
വയനാട് - ടി. സിദ്ദിഖ്
കണ്ണൂര്‍ - സണ്ണി ജോസഫ്
കാസര്‍കോട് - കെ.എം. ഷാജി
