പൗരത്വ ഭേദഗതി നിയമത്തിനെതിരെ ബിന്ദു കൃഷ്ണ നയിക്കുന്ന ‘ജനകീയ പ്രക്ഷോഭ ജ്വാല’ പദയാത്ര ഏഴാം ദിനം

Jaihind News Bureau
Monday, January 27, 2020

കൊല്ലം : പൗരത്വ ഭേദഗതി നിയമം റദ്ദാക്കണമെന്നാവശ്യപ്പെട്ട് കൊല്ലം ഡി.സി.സി പ്രസിഡന്‍റ് ബിന്ദു കൃഷ്ണ നയിക്കുന്ന ‘ജനകീയ പ്രക്ഷോഭ ജ്വാല’ പദയാത്ര ഇന്ന് കൊട്ടാരക്കരയിൽ പുനരാരംഭിക്കും. ഏഴാം ദിനത്തിലേക്ക് കടക്കുന്ന കാൽനട ജാഥ കൊട്ടാരക്കര ബ്ലോക്ക് മേഖയിലാണ് ഇന്ന് പര്യടനം നടത്തുന്നത്. രാവിലെ നെല്ലിക്കുന്നത്ത് ഇന്നത്തെ പര്യടനം കെ.പി.സി.സി വർക്കിംഗ് പ്രസിഡന്‍റ് കൊടിക്കുന്നിൽ സുരേഷ് എം.പി ഉദ്ഘാടനം ചെയ്യും.

വൈകിട്ട് പുത്തൂർ മുക്ക് ജംഗ്ഷനിൽ ഇന്നത്തെപര്യടന സമാപന സമ്മേളനം കെ.പി.സി.സി ജനറൽ സെക്രട്ടറി രാജേന്ദ്രപ്രസാദ് ഉദ്ഘാടനം ചെയ്യും. പൗരത്വ ഭേദഗതി നിയമത്തിനെതിരെയും കേന്ദ്ര-സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെയും ഇരുപത്തിയഞ്ച് ദിവസങ്ങളിലായി 448 കിലോമീറ്റർ പദയാത്രയാണ് കൊല്ലം ഡി.സി.സി സംഘടിപ്പിച്ചിരിക്കുന്നത്. ജാഥയുടെ പ്രയാണം ഇതിനകം നൂറ് കിലോമീറ്റർ പിന്നിട്ടിരിക്കുകയാണ്. ഇരുപത്തിയഞ്ച് ദിവസങ്ങളിലായി നടക്കുന്ന പദയാത്ര ഫെബ്രുവരി ഇരുപതിന് ചിന്നക്കടയിൽ വൻ റാലിയോടെയാണ് സമാപിക്കുന്നത്.