കഠിനാധ്വാനം വെറുതെയാകില്ല, വഴികാട്ടിയാകും; ഐഎസ്ആർഒയിലെ ശാസ്ത്രജ്ഞൻമാരുടെ സമർപ്പണം ഓരോ ഇന്ത്യക്കാരനും പ്രചോദനം: രാഹുൽഗാന്ധി

Jaihind News Bureau
Saturday, September 7, 2019

ഐഎസ്ആർഒയിലെ ശാസ്ത്രജ്ഞൻമാരുടെ സമർപ്പണം ഓരോ ഇന്ത്യക്കാരനും പ്രചോദനമാണെന്ന് രാഹുൽഗാന്ധി. ഐഎസ്ആർഒയിലെ ശാസ്ത്രജ്ഞന്മാരുടെ കഠിനാധ്വാനം വെറുതെയാകില്ലെന്നും ഭാവിയിൽ ഇന്ത്യയുടെ നിരവധി ശാസ്ത്ര പദ്ധതികൾക്ക് വഴികാട്ടിയാണിതെന്നും രാഹുൽഗാന്ധി ട്വിറ്ററിൽ കുറിച്ചു.

ചന്ദ്രയാൻ-2 ചാന്ദ്രദൗത്യത്തിന്‍റെ ഭാഗമായുള്ള വിക്രം ലാൻഡറുമായുള്ള ആശയവിനിമയം നഷ്ടമായതിനെതുടർന്ന് അനിശ്ചിതത്വം തുടരുന്നതിനിടെയാണ് ദൗത്യത്തിന് പിന്നില്‍ പ്രവർത്തിച്ചവരെ അഭിനന്ദിച്ചും പ്രോത്സാഹനമേകിയും രാഹുൽ എത്തിയത്. റഫ് ബ്രേക്കിംഗിനു ശേഷം ഫൈൻ ലാൻഡിങ്ങിനിടെ സാങ്കേതിക പ്രശ്നങ്ങൾ അഭിമുഖീകരിച്ചതോടെയാണ് ലാൻഡിംഗ് പ്രക്രിയ തടസപ്പെട്ടത്.

 



[yop_poll id=2]