മഹ ചുഴലിക്കാറ്റ് വീണ്ടും ഇന്ത്യൻ തീരത്തേക്ക്; ചുഴലിക്കാറ്റ് ഗുജറാത്ത് തീരത്തേക്കു തിരിഞ്ഞു

Jaihind News Bureau
Monday, November 4, 2019


മഹ ചുഴലിക്കാറ്റ് വീണ്ടും ഇന്ത്യൻ തീരത്തേക്ക്. ഗോവാ തീരത്തു നിന്നു വടക്കുപടിഞ്ഞാറു നീങ്ങിയ ചുഴലിക്കാറ്റ് ഇന്നലെയാണു ഗുജറാത്ത് തീരത്തേക്കു തിരിഞ്ഞത്. തീരമെത്തും മുൻപേ ശക്തി കുറയുമെന്നാണു വിലയിരുത്തൽ.

കേരളത്തിൽ 7-ആം തീയതി വരെ കനത്ത മഴയ്ക്കു സാധ്യതയില്ല. തെക്കൻ ജില്ലകളിൽ ചുരുക്കം സ്ഥലങ്ങളിൽ മഴ പെയ്‌തേക്കാം. കേരള, കർണാടക തീരങ്ങളിൽ മത്സ്യബന്ധന നിയന്ത്രണങ്ങൾ പിൻവലിച്ചു. അതേസമയം, 6-ആം തീയതി വരെ അറബിക്കടലിന്‍റെ വടക്കൻ ഭാഗങ്ങളിലേക്കു പോകരുതെന്നു നിർദേശമുണ്ട്.