ദിവ്യ യാത്രയയപ്പ് യോഗത്തില് പറഞ്ഞ കാര്യങ്ങള് അഴിമതിക്കെതിരായ സദുദ്ദേശ പരമായ വിമര്ശനം മാത്രം; പി.പി. ദിവ്യയെ തള്ളാതെ സിപിഎം ജില്ല സെക്രട്ടേറിയറ്റ്
Jaihind TV News Report
Jaihind TV Web Desk
October 15, 2024
1 min read
•
Updated: June 09, 2026
കണ്ണൂര്: എഡിഎം കെ. നവീന് ബാബുവിന്റെ ആത്മഹത്യയില് ജില്ല പഞ്ചായത്ത് പ്രസിഡന്റ് പി.പി ദിവ്യയെ തള്ളാതെ സിപിഎം ജില്ല സെക്രട്ടേറിയറ്റ്. ദിവ്യ യാത്രയയപ്പ് യോഗത്തില് പറഞ്ഞ കാര്യങ്ങള് അഴിമതിക്കെതിരായ സദുദ്ദേശ്യപരമായ വിമര്ശനം മാത്രമാണെന്ന് സെക്രട്ടേറിയറ്റ് പുറത്തിറക്കിയ പ്രസ്താവനയില് പറയുന്നു.
തെറ്റായ പ്രവണതകള് അനുഭവത്തില് ഉണ്ടായാല് പലരും ജനപ്രതിനിധികളോട് അവരുടെ സങ്കടങ്ങള് വിവരിക്കാറുണ്ട്. അത്തരം ജനങ്ങളുടെ സങ്കടങ്ങള് കേട്ടുകൊണ്ടുള്ള പ്രതികരണമാണ് ദിവ്യ അന്ന് നടത്തിയത്. എന്നാലും യാത്രയയപ്പ് യോഗത്തില് ഇത്തരം പരാമര്ശങ്ങള് ഒഴിവാക്കേണ്ടതായിരുന്നെന്നും പ്രസ്താവനയില് പറയുന്നു.
പ്രസ്താവനയുടെ പൂര്ണരൂപം:
"കണ്ണൂര് എഡിഎം ആയിരുന്ന കെ. നവീന് ബാബുവിന്റെ വേര്പാടില് സിപിഎം ദുഃഖവും അനുശോചനവും രേഖപ്പെടുത്തുന്നു. ദുഖമനുഭവിക്കുന്ന കുടുംബത്തോടൊപ്പം സിപിഎം പങ്കുചേരുന്നു. തികച്ചും ദൗര്ഭാഗ്യകരവും അപ്രതീക്ഷിതവുമായ മരണമാണിത്. ജില്ല പഞ്ചായത്ത് പ്രസിഡന്റ് യാത്രയയപ്പ് യോഗത്തില് പറഞ്ഞ കാര്യങ്ങള് അഴിമതിക്കെതിരായ സദുദ്ദേശ്യപരമായ വിമര്ശനം മാത്രമാണ്. തെറ്റായ പ്രവണതകള് അനുഭവത്തില് ഉണ്ടായാല് പലരും ജനപ്രതിനിധികളോട് അവരുടെ സങ്കടങ്ങള് വിവരിക്കാറുണ്ട്. അത്തരം ജനങ്ങളുടെ സങ്കടങ്ങള് കേട്ടുകൊണ്ടുള്ള പ്രതികരണമാണെങ്കിലും യാത്രയയപ്പ് യോഗത്തില് ഇത്തരം പരാമര്ശങ്ങള് ജില്ലാ പഞ്ചായത്ത് പ്രസിഡന്റ് ഒഴിവാക്കേണ്ടതായിരുന്നു."
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10