Supreme Court|ദേശീയപാത- എക്പ്രസ് വേകളില് നിന്ന് കന്നുകാലികളെ നീക്കം ചെയ്യണം: സുപ്രീംകോടതി
Jaihind TV News Report
Jaihind TV Web Desk
November 07, 2025
1 min read
•
Updated: June 09, 2026
എക്സ്പ്രസ് റോഡുകളില് നിന്നും ദേശീയപാതകളില് നിന്നും കന്നുകാലികളെയും മറ്റ് മൃഗങ്ങളെയും നീക്കം ചെയ്യാനും സുപ്രീം കോടതി ഉത്തരവിട്ടു. രാജസ്ഥാന് ഹൈക്കോടതി പുറപ്പെടുവിച്ച നിര്ദേശങ്ങള് കണക്കിലെടുത്താണിത്. ദേശീയപാതകളില് നിന്നും എക്സ്പ്രസ് വേകളില് നിന്നും എല്ലാ കന്നുകാലികളെയും നീക്കം ചെയ്യാന് മുനിസിപ്പല് അധികാരികള്ക്കും ദേശീയപാത അതോറിറ്റി ഓഫ് ഇന്ത്യ (എന്എച്ച്എഐ) ക്കും രാജസ്ഥാന്റെ ഓഗസ്റ്റ് മാസത്തെ നിര്ദേശങ്ങള് സുപ്രീം കോടതി ആവര്ത്തിച്ചു.
റോഡ് ട്രാന്സ്പോര്ട്ട് ഡിപ്പാര്ട്ട്മെന്റ്, മുനിസിപ്പല് അധികാരികള്, എന്എച്ച്എഐ എന്നിവര് സംയുക്ത സര്വേകള് നടത്തി റോഡുകളില് കന്നുകാലികളെയും മറ്റ് മൃഗങ്ങളെയും കാണുന്ന പ്രദേശങ്ങള് കണ്ടെത്താനും അവയെ നീക്കം ചെയ്യാനുള്ള നടപടികള് സ്വീകരിക്കാനും നിര്ദേശിച്ചു. തെരുവില് അലയുന്ന കന്നുകാലികളെ നിരീക്ഷിക്കാനും കൈകാര്യം ചെയ്യാനും 24/7 ഹൈവേ പട്രോള് ടീമുകള് സ്ഥാപിക്കണം. എല്ലാ ദേശീയപാതകളിലും സംസ്ഥാനപാതകളിലും എക്സ്പ്രസ് വേകളിലും തെരുവില് അലയുന്ന മൃഗങ്ങളെക്കുറിച്ചോ അപകടങ്ങളെക്കുറിച്ചോ അറിയിക്കാന് ഹെല്പ്പ് ലൈന് നമ്പറുകള് വ്യക്തമായി പ്രദര്ശിപ്പിക്കാനും ആവശ്യപ്പെട്ടിട്ടുണ്ട്.
റോഡുകളില് നിന്ന് മാറ്റുന്ന കന്നുകാലികളെ പാര്പ്പിക്കാന് എല്ലാ സംസ്ഥാനങ്ങളും കേന്ദ്രഭരണ പ്രദേശങ്ങളും ഗോശാലകളും ഷെല്ട്ടറുകളും സ്ഥാപിക്കണമെന്നും ദേശീയപാതകളും എക്സ്പ്രസ് വേകളും കന്നുകാലികളില്ലാതെ നിലനിര്ത്തണമെന്നും സുപ്രീം കോടതി നിര്ദേശിച്ചു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10