എസ്.എസ്.എൽ.സി, പ്ലസ് ടു ഫലം മേയ് മൂന്നാം വാരം; മൂല്യനിർണ്ണയം ഇന്ന് മുതൽ

Jaihind TV Web Desk

April 16, 2026

1 min read • Updated: June 10, 2026

SAVE: Login to save

എസ്.എസ്.എൽ.സി, പ്ലസ് ടു ഫലം മേയ് മൂന്നാം വാരം; മൂല്യനിർണ്ണയം ഇന്ന് മുതൽ

എസ്.എസ്.എൽ.സി, ഹയർസെക്കന്ററി പരീക്ഷാഫലങ്ങൾ മേയ് മൂന്നാം വാരത്തിൽ പുറത്തുവരുമെന്ന് വിദ്യാഭ്യാസ മന്ത്രി വി. ശിവൻകുട്ടി വാർത്താസമ്മേളനത്തിൽ അറിയിച്ചു.നിയമസഭാ തിരഞ്ഞെടുപ്പ് ചുമതലകളിലേക്ക് അധ്യാപകർ നിയോഗിക്കപ്പെട്ടതാണ് ഫലപ്രഖ്യാപനം അല്പം വൈകാൻ കാരണമായത്. ഒപ്പം, സംസ്ഥാനത്ത് ചൂട് കഠിനമാകുന്ന പശ്ചാത്തലത്തിൽ അവധിക്കാലത്ത് ട്യൂഷൻ ക്ലാസുകൾ നടത്താൻ അനുവദിക്കില്ലെന്നും മന്ത്രി കർശന നിർദ്ദേശം നൽകി.

പുനഃക്രമീകരിച്ച മൂല്യനിർണ്ണയം: ഏപ്രിൽ ആറ് മുതൽ തുടങ്ങേണ്ടിയിരുന്ന മൂല്യനിർണ്ണയം തിരഞ്ഞെടുപ്പ്, ദുഃഖവെള്ളി, വിഷു തുടങ്ങിയ അവധികൾ പ്രമാണിച്ചാണ് മാറ്റിവെച്ചത്. മൂന്ന് ഘട്ടങ്ങളിലായാണ് ഇനി മൂല്യനിർണ്ണയം നടക്കുക.

ഒന്നാം ഘട്ടം: ഏപ്രിൽ 16 മുതൽ 18 വരെ.
രണ്ടാം ഘട്ടം: ഏപ്രിൽ 20 മുതൽ 25 വരെ.
മൂന്നാം ഘട്ടം: ഏപ്രിൽ 27 മുതൽ മേയ് 2 വരെ.

സംസ്ഥാനത്തെ 89 ക്യാമ്പുകളിലായി ഇരുപതിനായിരത്തോളം അധ്യാപകരാണ് മൂല്യനിർണ്ണയം നടത്തുക.

എസ്.എസ്.എൽ.സി: 4,17,497 വിദ്യാർത്ഥികൾ എഴുതിയ 36 ലക്ഷത്തോളം പേപ്പറുകൾ 10,500 അധ്യാപകർ മൂല്യനിർണ്ണയം നടത്തും.
ഹയർസെക്കന്ററി: 8.7 ലക്ഷം വിദ്യാർത്ഥികളുടെ 80 ലക്ഷത്തോളം പേപ്പറുകളാണ് പരിശോധിക്കാനുള്ളത്.
വി.എച്ച്.എസ്.ഇ: 30,000 വിദ്യാർത്ഥികളാണ് ഇത്തവണ പരീക്ഷ എഴുതിയത്.

മാർച്ച് 30-നാണ് എസ്.എസ്.എൽ.സി പരീക്ഷകൾ അവസാനിച്ചത്. പ്ലസ് ടു പരീക്ഷകൾ മാർച്ച് 28-നും പൂർത്തിയായിരുന്നു. പരീക്ഷാ നടപടികൾ വേഗത്തിൽ പൂർത്തിയാക്കി ഉന്നതപഠനത്തിന് തടസ്സമില്ലാത്ത രീതിയിൽ ഫലം ലഭ്യമാക്കാനാണ് വിദ്യാഭ്യാസ വകുപ്പിന്റെ നീക്കം.