ഐപിഎല് ചരിത്രത്തിലെ നാണംകെട്ട റെക്കോര്ഡ്; പവര്പ്ലേയില് വീണത് 6 വിക്കറ്റുകള്; ബാംഗ്ലൂരിനെതിരെ 75 റണ്സിന് കൂടാരം കയറി അക്സറും സംഘവും
Jaihind TV News Report
Jaihind TV Web Desk
April 27, 2026
1 min read
•
Updated: June 09, 2026
ന്യൂഡല്ഹി: ഐപിഎല് ചരിത്രത്തിലെ ഏറ്റവും മികച്ച ബാറ്റിംഗ് പ്രകടനങ്ങളിലൊന്ന് കാഴ്ചവെച്ചതിന്റെ (264 റണ്സ്) തൊട്ടടുത്ത മത്സരത്തില് തന്നെ ഏറ്റവും മോശം സ്കോറുകളിലൊന്നിലേക്ക് ഡല്ഹി ക്യാപ്പിറ്റല്സ് കൂപ്പുകുത്തി. റോയല് ചലഞ്ചേഴ്സ് ബെംഗളൂരുവിനെതിരെ നടന്ന മത്സരത്തില് 16.3 ഓവറില് വെറും 75 റണ്സിന് ഡല്ഹി എല്ലാവരും പുറത്തായി. നാല് വിക്കറ്റുകള് വീഴ്ത്തിയ ജോഷ് ഹേസല്വുഡും മൂന്ന് വിക്കറ്റുകള് വീഴ്ത്തിയ ഭുവനേശ്വര് കുമാറുമാണ് ഡല്ഹിയെ തകര്ത്തത്.
ടോസ് നഷ്ടപ്പെട്ട് ബാറ്റിംഗിനിറങ്ങിയ ഡല്ഹിക്ക് തുടക്കം മുതല്ക്കേ പിഴച്ചു. ഐപിഎല് ചരിത്രത്തിലെ ഏറ്റവും കുറഞ്ഞ പവര്പ്ലേ സ്കോറായ 13/6 എന്ന നിലയിലേക്ക് അവര് വീണു. 26 റണ്സ് നേടിയ അഭിഷേക് പോറെല് മാത്രമാണ് ഡല്ഹി നിരയില് അല്പമെങ്കിലും ചെറുത്തുനിന്നത്. പത്താം വിക്കറ്റായി പോറെലിനെ പുറത്താക്കി ഹേസല്വുഡ് ഡല്ഹിയുടെ ഇന്നിംഗ്സിന് അന്ത്യം കുറിച്ചു.
ആര്സിബിക്ക് വേണ്ടി ഹേസല്വുഡ് 3.3 ഓവറില് വെറും 23 റണ്സ് വഴങ്ങിയാണ് 4 വിക്കറ്റുകള് വീഴ്ത്തിയത്. സുയാഷ് ശര്മ്മ തന്റെ നാലോവറില് വെറും 7 റണ്സ് മാത്രം വിട്ടുനല്കി ഒരു വിക്കറ്റ് എടുത്തു. ഭുവനേശ്വര് കുമാറിന്റെ സ്പെല്ലും ഡല്ഹിക്ക് കനത്ത ആഘാതമായി. ഇടയ്ക്ക് കനത്ത പൊടിക്കാറ്റ് മൂലം കളി തടസ്സപ്പെട്ടെങ്കിലും അതൊന്നും ഡല്ഹിയുടെ രക്ഷയ്ക്കെത്തിയില്ല.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10