ന്യൂഡല്ഹി: കോണ്ഗ്രസ് പാര്ട്ടിയുടെ പ്രവര്ത്തക സമിതിയോഗത്തില് സജീവ ചര്ച്ചയായി ജമ്മു കശ്മീരും ലഡാക്കും. കേന്ദ്രഭരണ പ്രദേശങ്ങളായ ജമ്മുവിലും കശ്മീരിലും ലഡാക്കിലെയും നിലവിലെ സ്ഥിതിയില് വ്യക്തതത വേണമെന്ന് പ്രവര്ത്തക സമിതി യോഗത്തിനുശേഷം മാധ്യമങ്ങളെ കണ്ട രാഹുല്ഗാന്ധി ആവശ്യപ്പെട്ടു. ആര്ട്ടിക്കിള് 370 പിന്വലിച്ചതിന് ശേഷം ആ പ്രദേശങ്ങളില് നിന്നുള്ള സംഭവങ്ങള് രാജ്യം അറിയുന്നില്ല. അവിടെ കനത്ത തോതില് അക്രമസംഭവങ്ങള് നടക്കുന്നതായി റിപ്പോര്ട്ടുകള് വരുന്നു. എന്നാല് ഇക്കാര്യത്തെക്കുറിച്ച് സര്ക്കാര് ഒന്നും പറയുന്നില്ല. കശ്മീരില് എന്താണ് സംഭവിക്കുന്നതെന്ന് രാജ്യം അറിയുന്നില്ല. പ്രധാനമന്ത്രിയും ആഭ്യന്തര മന്ത്രിയും ഇക്കാര്യങ്ങളില് വ്യക്തമായ മറുപടി രാജ്യത്തോട് പറയണം -രാഹുല്ഗാന്ധി ആവശ്യപ്പെട്ടു.