നവകേരള സദസില്‍ മര്‍ദ്ദനമേറ്റ സി.പി.എം പ്രവര്‍ത്തകന്‍ പാര്‍ട്ടി വിട്ട സംഭവത്തില്‍ പ്രതികരണവുമായി പ്രതിപക്ഷനേതാവ് വി. ഡി. സതീശന്‍. ഈ സംഭവത്തിലെ ഒന്നാം പ്രതി കേരളത്തിന്‍റെ മുഖ്യമന്ത്രിയാണ്. കേരളത്തില്‍ നവകേരള സദസുമായി നടക്കുന്ന മുഴുവന്‍ അക്രമ സംഭവങ്ങളുടെയും ഒന്നാം പ്രതി ഈ കലാപത്തിന് ആഹ്വാനം ചെയ്ത മുഖ്യമന്ത്രിയാണെന്ന് വി.ഡി.സതീശന്‍. മറൈന്‍ ഡ്രൈവില്‍ നവകേരള സദസിനായി പങ്കെടുക്കാന്‍ വന്ന ഡി.വൈ.എഫ്.ഐ പ്രവര്‍ത്തകനെ ക്രൂരമായി ഈ ക്രിമിനലുകള്‍ മര്‍ദ്ദിച്ചു. ഞാന്‍ സി.പി.എംക്കാരനാണെന്ന് ആയാള്‍ ഉറക്കെ വിളിച്ച് പറഞ്ഞിട്ടും മര്‍ദ്ദിച്ച് അവശനാക്കിയെന്നും അദ്ദേഹം പറഞ്ഞു. മുഖ്യമന്ത്രി കൊടുത്ത ധൈര്യമാണ് ക്രിമിനലുകള്‍ക്കുള്ളത്. ഇങ്ങനെയൊരു മുഖ്യമന്ത്രി കേരളത്തില്‍ ഉണ്ടായിട്ടില്ലെന്നും കേരളത്തെ മുടിഞ്ഞ തറവാടാക്കി മുഖ്യമന്ത്രി മാറ്റിയെന്നും അദ്ദേഹം കുറ്റപ്പെടുത്തി.
