തിരുവനന്തപുരം: ലോക്സഭാ തിരഞ്ഞെടുപ്പ് വോട്ടെണ്ണല്‍ ആരംഭിച്ചു. കേരളത്തില്‍ ആദ്യ ലീഡ് യുഡിഎഫിന്. പോസ്റ്റൽ വോട്ടുകളാണ് ആദ്യം എണ്ണി തുടങ്ങിയത്. ഇലക്ട്രോണിക്കലി ട്രാൻസ്മിറ്റഡ് പോസ്റ്റൽ ബാലറ്റുകളും , വീട്ടിലിരുന്ന വോട്ടു ചെയ്തവർ ഉൾപ്പെടെ ഉള്ളവരുടെ തപാൽ ബാലറ്റുകളും ഇതിൽ ഉള്‍പ്പെടുന്നു.തിരുവനന്തപുരത്ത് ശശി തരൂരും, വയനാട്ടില്‍ രാഹുല്‍ ഗാന്ധിയും, എറണാകുളത്ത് ഹെെബി ഈഡനും ആലപ്പുഴയില്‍ കെ.സി. വേണുഗോപാലും, ഇടുക്കിയില്‍ ഡീന്‍ കുര്യാക്കോസും വോട്ടുകള്‍ എണ്ണി തുടങ്ങിയപ്പോള്‍ മുന്നിലാണ്.
