വിദ്യാർത്ഥിനിയോട് ലൈം​ഗികാതിക്രമം; ഒളിവിലായിരുന്ന അധ്യാപകൻ അറസ്റ്റിൽ

Jaihind Webdesk
Monday, November 21, 2022

കൊച്ചി :  പ്ലസ് വണ്‍ വിദ്യാർത്ഥിനിയോട് ലൈം​ഗികാതിക്രമം നടത്തിയെന്ന കേസിൽ ഒളിവിലായിരുന്ന അധ്യാപകൻ അറസ്റ്റിൽ. പട്ടിമറ്റം സ്വദേശിയായ കിരണാണ് അറസ്റ്റിലായത്. തൃപ്പുണിത്തുറ ഹിൽപാലസ് പൊലീസ് ആണ് ഇയാളെ അറസ്റ്റ് ചെയ്തത്. കിരണിനെ നാഗർകോവിലിലെ ബന്ധു വീട്ടിൽ നിന്നാണ് പിടികൂടിയത്. നവംബർ 16നാണ് ഇയാൾ പെൺകുട്ടിയോട് ലൈം​ഗികാതിക്രമം നടത്തിയത്. കലോത്സവത്തിൽ പങ്കെടുത്ത് മടങ്ങുമ്പോളാണ് കിരണ്‍ കുട്ടിയോട് മോശമായി പെരുമാറിയതെന്ന് പരാതിയിൽ പറയുന്നു.