തൃശ്ശൂർ പൂരം തുടങ്ങാൻ ദിവസങ്ങൾ മാത്രം ബാക്കിനിൽക്കെ, പടക്ക നിർമ്മാണ കേന്ദ്രത്തിലുണ്ടായ വൻ സ്ഫോടനത്തിൽ അഗാധമായ ദുഃഖം രേഖപ്പെടുത്തി ലോക്സഭ പ്രതിപക്ഷ നേതാവ് രാഹുൽ ഗാന്ധി. പൂരത്തിന്റെ ഒരുക്കങ്ങൾക്കിടെയുണ്ടായ ഈ ദുരന്തവും വിലപ്പെട്ട ജീവനുകൾ നഷ്ടപ്പെട്ടതും ഏറെ ഹൃദയഭേദകമാണെന്ന് അദ്ദേഹം പറഞ്ഞു. അപകടത്തിന്റെ വ്യാപ്തി നമ്മെ വല്ലാതെ വേദനിപ്പിക്കുന്നതാണെന്നും അദ്ദേഹം കൂട്ടിച്ചേർത്തു.
ദുരന്തത്തിൽ ഉറ്റവരെ നഷ്ടപ്പെട്ട കുടുംബങ്ങളുടെ സങ്കടത്തിൽ പങ്കുചേരുന്നതായും ഈ പ്രയാസകരമായ ഘട്ടത്തിൽ തന്റെ ചിന്തകൾ അവർക്കൊപ്പമാണെന്നും അദ്ദേഹം പറഞ്ഞു. സ്ഫോടനത്തിൽ പരിക്കേറ്റവർക്ക് അടിയന്തരവും മികച്ചതുമായ വൈദ്യസഹായം സർക്കാർ ഉറപ്പാക്കണമെന്നും, രക്ഷാപ്രവർത്തനങ്ങൾ യുദ്ധകാലാടിസ്ഥാനത്തിൽ ഏകോപിപ്പിക്കണമെന്നും രാഹുൽ ഗാന്ധി ആവശ്യപ്പെട്ടു.
