IND-AUS T20 | ഗാബ ടി-20യില് മഴ കളിച്ചു; അവസാന മത്സരം ഉപേക്ഷിച്ചു; പരമ്പര ഇന്ത്യയ്ക്ക്
Jaihind TV News Report
Jaihind TV Web Desk
November 08, 2025
1 min read
•
Updated: June 09, 2026
ഇന്ത്യയും ഓസ്ട്രേലിയയും തമ്മിലുള്ള അഞ്ച് മത്സരങ്ങളടങ്ങിയ ടി20 പരമ്പരയിലെ അവസാന മത്സരം മഴമൂലം ഉപേക്ഷിച്ചു. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഇന്ത്യ മികച്ച തുടക്കമാണ് നേടിയത്. 4.5 ഓവറില് വിക്കറ്റ് നഷ്ടമില്ലാതെ 52 റണ്സെടുത്ത് നില്ക്കുമ്പോഴാണ് മഴ കളി തടസ്സപ്പെടുത്തിയത്. ശുഭ്മാന് ഗില് (16 പന്തില് 29 റണ്സ്), അഭിഷേക് ശര്മ (13 പന്തില് 23 റണ്സ്) എന്നിവരായിരുന്നു ക്രീസില്. കനത്ത മഴ തുടര്ന്നതോടെ മത്സരം പുനരാരംഭിക്കാന് കഴിയാതെ വന്നതിനാല് ഫലമില്ലാതെ ഉപേക്ഷിക്കുകയായിരുന്നു. ഇതോടെ 2-1 ഇന്ത്യ പരമ്പര സ്വന്തമാക്കി.
പരമ്പര ഇന്ത്യക്ക്
അഞ്ച് മത്സര പരമ്പരയില് രണ്ട് മത്സരങ്ങള് മഴമൂലം ഉപേക്ഷിച്ചെങ്കിലും, ശേഷിച്ച മത്സരങ്ങളിലെ പ്രകടനത്തിലൂടെ ഇന്ത്യ 2-1ന് ടി20 പരമ്പര സ്വന്തമാക്കി. പരമ്പരയിലെ ആദ്യ മത്സരവും മഴമൂലം ഉപേക്ഷിച്ചിരുന്നു. രണ്ടാം മത്സരം ഓസ്ട്രേലിയ ജയിച്ചപ്പോള്, മൂന്നും നാലും മത്സരങ്ങള് വിജയിച്ചാണ് ഇന്ത്യ പരമ്പര സ്വന്തമാക്കിയത്. ഇത് ഓസ്ട്രേലിയക്കെതിരെ ഇന്ത്യയുടെ തുടര്ച്ചയായ മൂന്നാം ടി20 പരമ്പര വിജയമാണ്.
ഇന്ത്യയുടെ തുടര്ച്ചയായ മുന്നേറ്റം
മുന് വര്ഷങ്ങളിലെ മികച്ച പ്രകടനം ഇന്ത്യ ഈ പരമ്പരയിലും ആവര്ത്തിച്ചു. 2023-24 ലും 2022 ലും ഓസ്ട്രേലിയ ഇന്ത്യയില് ടി20 പരമ്പര കളിച്ചപ്പോള് ഇന്ത്യ യഥാക്രമം 4-1നും 2-1നും പരമ്പരകള് സ്വന്തമാക്കിയിരുന്നു. ഏറ്റവും ശ്രദ്ധേയമായ കാര്യം, 2020-21 ന് ശേഷം ഓസ്ട്രേലിയന് മണ്ണില് ഇന്ത്യ നേടുന്ന ആദ്യത്തെ ടി20 പരമ്പര വിജയമാണിത്.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10