സ്ഥാനാർത്ഥി നിർണ്ണയം അന്തിമഘട്ടത്തിലേക്ക്; സർക്കാരിനെ പൂട്ടാൻ സമരതന്ത്രങ്ങളുമായി കെ.പി.സി.സി നേതൃയോഗം
വരാനിരിക്കുന്ന തിരഞ്ഞെടുപ്പിനുള്ള ഒരുക്കങ്ങൾ ഊർജിതമാക്കാൻ കെ.പി.സി.സി നേതൃയോഗവും പ്രചാരണ സമിതിയുടെ ആദ്യ യോഗവും ഇന്ന് തിരുവനന്തപുരത്ത് ചേരും. കെ.പി.സി.സി ആസ്ഥാനത്ത് നടക്കുന്ന ഈ സുപ്രധാന യോഗത്തിൽ എ.ഐ.സി.സി നിരീക്ഷകൻ സച്ചിൻ പൈലറ്റ് ഉൾപ്പെടെയുള്ള ദേശീയ നേതാക്കൾ പങ്കെടുക്കും. സ്ഥാനാർത്ഥി നിർണ്ണയം അന്തിമഘട്ടത്തിലേക്ക് കടക്കുന്ന സാഹചര്യത്തിൽ, ഓരോ മണ്ഡലത്തിലെയും സാധ്യതകളും തിരഞ്ഞെടുപ്പ് പ്രവർത്തനങ്ങളുടെ ചുമതലകളും യോഗം വിലയിരുത്തും. എ.ഐ.സി.സി പ്രതിനിധികളുടെ സാന്നിധ്യം താഴെത്തട്ടിലുള്ള പ്രവർത്തനങ്ങൾ ഏകോപിപ്പിക്കുന്നതിന് പുതിയ ദിശാബോധം നൽകുമെന്നാണ് പാർട്ടി പ്രതീക്ഷിക്കുന്നത്.
വിവാദ വിഷയങ്ങളിൽ എൽ.ഡി.എഫ് സർക്കാരിനെ പ്രതിരോധത്തിലാക്കാൻ ലക്ഷ്യമിട്ടുള്ള ശക്തമായ സമരപരിപാടികൾക്ക് യോഗം രൂപം നൽകും. കെ.പി.സി.സി പ്രസിഡന്റ് സണ്ണി ജോസഫ് എം.എൽ.എയുടെ അധ്യക്ഷതയിൽ ചേരുന്ന യോഗത്തിൽ എം.പിമാർ, എം.എൽ.എമാർ, ഡി.സി.സി പ്രസിഡന്റുമാർ എന്നിവർ പങ്കെടുക്കും. ഇതിന് പിന്നാലെ രമേശ് ചെന്നിത്തലയുടെ അധ്യക്ഷതയിൽ പുതുതായി രൂപീകരിച്ച പ്രചാരണ സമിതിയുടെ ആദ്യ യോഗവും നടക്കും. ഡിജിറ്റൽ പ്രചാരണങ്ങൾ ഉൾപ്പെടെയുള്ള നൂതനമായ തിരഞ്ഞെടുപ്പ് തന്ത്രങ്ങൾക്കും ജനങ്ങളിലേക്ക് നേരിട്ടെത്തുന്ന പ്രചാരണ രീതികൾക്കും ഈ യോഗത്തിൽ അന്തിമരൂപമാകും.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.