തലസ്ഥാനത്ത് ക്രിക്കറ്റ് ആവേശം: ഇന്ത്യ, ശ്രീലങ്ക വനിതാ ടീമുകള് ഇന്ന് പരിശീലത്തിനിറങ്ങും; മത്സരം നാളെ
Jaihind TV News Report
Jaihind TV Web Desk
December 25, 2025
1 min read
•
Updated: June 10, 2026
തിരുവനന്തപുരം: ലോക ചാമ്പ്യന്മാരായ ഇന്ത്യന് വനിതാ ക്രിക്കറ്റ് ടീമംഗങ്ങള് ഇന്ന് തലസ്ഥാന നഗരിയില് പരിശീലനത്തിനിറങ്ങും. കാര്യവട്ടം ഗ്രീന് ഫീല്ഡ് സ്റ്റേഡിയത്തിലാണ് ഹര്മന് പ്രീത് കൗര് നയിക്കുന്ന ഇന്ത്യന് ടീം പരിശീലനത്തിനിറങ്ങുന്നത്. ഇന്ത്യ- ശ്രീലങ്ക ടി-20 പരമ്പരയുടെ ഭാഗമായാണ് ലോക ചാമ്പ്യന്മാര് തലസ്ഥാന നഗരിയില് എത്തുന്നത്.
അഞ്ചു മത്സരങ്ങളുടെ പരമ്പരയില് മൂന്നു മത്സരങ്ങളാണ് കാര്യവട്ടത്ത് നടക്കുന്നത്. ഡിസംബര് 26, 28, 30 തീയതികളിലായി കാര്യവട്ടം സ്പോര്ട്സ് ഹബ് ഗ്രീന് ഫീല്ഡ് സ്റ്റേഡിയത്തില് ആണ് മത്സരങ്ങള്. ഇന്ന് ഉച്ചയ്ക്ക് 2 മുതല് 5 മണി വരെ ശ്രീലങ്കന് ടീം പരിശീലനത്തിനിറങ്ങും. വൈകീട്ട് 6 മണി മുതല് രാത്രി 9 വരെ ഇന്ത്യന് ടീം പരിശീലനം നടത്തും. ചരിത്രത്തില് ആദ്യമായാണ് രാജ്യാന്തര വനിതാ ക്രിക്കറ്റിന് കേരളത്തിന്റെ തലസ്ഥാനം വേദിയാവുന്നത്.
ലോക കപ്പ് ജേതാക്കളായ ഇന്ത്യന് ടീമിലെ പ്രമുഖ താരങ്ങള് തലസ്ഥാന നഗരിയില് എത്തുന്നതാണ് ക്രിക്കറ്റ് സ്നേഹികളെ ആവേശത്തിലാഴ്ത്തുന്നത്. ഹര്മന് പ്രീത് കൗര് നയിക്കുന്ന ഇന്ത്യന് ടീമില് സ്മൃതി മന്ദനയാണ് വൈസ് ക്യാപ്റ്റന്. ലോകകപ്പ് സെമി ഫൈനലില് ഇന്ത്യയുടെ സൂപ്പര് നായികയായ ജെമീമ റോഡ്രിഗ്രസ്, ഫൈനലിലെ താരം ഷഫാലി വര്മ്മ എന്നിവരും കേരളത്തിന്റെ ക്രീസില് ബാറ്റ് വീശും. വെടിക്കെട്ട് ബാറ്ററും വിക്കറ്റ് കീപ്പറുമായ റിച്ച ഘോഷും കൂടി ക്രീസിലിറങ്ങുന്നതോടെ കാര്യവട്ടത്ത് മികച്ചൊരു ക്രിക്കറ്റ് വിരുന്നു തന്നെയാണ് കായിക സ്നേഹികള് പ്രതീക്ഷിക്കുന്നത്. ആദ്യ രണ്ടു മത്സരങ്ങളും വിശാഖപട്ടണത്താണ് നടന്നത്. രണ്ടു മത്സരങ്ങളും ജയിച്ച ഇന്ത്യ 2 -0 നു പരമ്പരയില് മുന്നിലാണ്.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10