പാലക്കാട്: പൊള്ളാച്ചി വാല്പ്പാറ റൂട്ടിലെ പതിമൂന്നാം ഹെയര്പിന് വളവില് ടെമ്പോ ട്രാവലര് അപകടത്തില്പ്പെട്ട് ഒമ്പത് മലയാളികള് മരിച്ചു. മലപ്പുറം പാങ്ങ് പള്ളിപ്പറമ്പ് ജി.എല്.പി സ്കൂളിലെ അധ്യാപകരും കുടുംബാംഗങ്ങളുമാണ് വാഹനത്തിലുണ്ടായിരുന്നത്. പന്ത്രണ്ട് പേരാണ് വാഹനത്തില് ഉണ്ടായിരുന്നത്.
തൃശൂര് ഭാഗത്തുനിന്നും വിനോദസഞ്ചാരത്തിന് എത്തിയതായിരുന്നു സംഘം. വൈകിട്ടോടെ നിയന്ത്രണം നഷ്ടപ്പെട്ട വാഹനം സംരക്ഷണ ഭിത്തിയില് ഇടിച്ച് 800 അടി താഴ്ചയുള്ള വനമേഖലയിലെ കൊക്കയിലേക്ക് മറിയുകയായിരുന്നു. വീഴ്ചയുടെ ആഘാതത്തില് വാഹനം പൂര്ണ്ണമായും തകര്ന്നു.
പരിക്കേറ്റവരെയും ഒരാളുടെ മൃതദേഹവും വാല്പ്പാറ ജനറല് ആശുപത്രിയില് എത്തിച്ചു. ബാക്കിയുള്ളവരെ ആശുപത്രിയിലേക്ക് എത്തിച്ചുകൊണ്ടിരിക്കുകയാണ്. 40-ലധികം ഹെയര്പിന് വളവുകളുള്ള ഈ റൂട്ടില് നിയന്ത്രണം വിട്ട് കൈവരിയില് ഇടിച്ചു മറിഞ്ഞതാകാനാണ് സാധ്യതയെന്ന് വിലയിരുത്തപ്പെടുന്നു.
