ഒമാനില്‍ കൊവിഡ് രോഗികളുടെ എണ്ണത്തില്‍ റെക്കോര്‍ഡ് വര്‍ധന : ഒരു ദിനം 1889 പേര്‍ക്ക് രോഗം ; യുഎഇയില്‍ 473 പേരില്‍ രോഗം

Jaihind News Bureau
Friday, July 10, 2020

ദുബായ് : ഒമാനില്‍ വെള്ളിയാഴ്ച 1889 പേര്‍ക്ക് കൂടി കോവിഡ് സ്ഥിരീകരിച്ചു. ഒമാനില്‍ ഒരു ദിവസം റിപ്പോര്‍ട്ട് ചെയ്യുന്ന ഏറ്റവും ഉയര്‍ന്ന രോഗ നിരക്കാണ് ഇത്. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 53,614 ആയതായി ആരോഗ്യ മന്ത്രാലയം അറിയിച്ചു. വ്യാഴാഴ്ച കോവിഡ് പോസിറ്റീവായവരില്‍ 1,268 സ്വദേശികളും 621 പ്രവാസികളുമാണ്. രാജ്യത്തെ ആകെ കോവിഡ് മരണസംഖ്യ 244 ആയി ഉയര്‍ന്നു. യുഎഇയില്‍ ഇന്ന് 473 പേരില്‍ രോഗവും രണ്ടു മരണവും റിപ്പോര്‍ട്ട് ചെയ്തു.