ഇന്ത്യയിലെ ആദ്യത്തെ ഡ്രൈവറില്ലാ ട്രെയിന്‍ സര്‍വീസ് തുടങ്ങിയതിന്‍റെ അഭിമാനനേട്ടവുമായി 2021-ലേക്ക് ചുവടുവെച്ച് ഡല്‍ഹി മെട്രോ. മെട്രോയുടെ മജന്തലൈനില്‍ തുടങ്ങിയ ഡ്രൈവര്‍ലെസ് ട്രെയിന്‍ സര്‍വീസുകള്‍ ആറുമാസത്തിനകം പിങ്ക് ലൈനിലും നടപ്പാക്കും. ഇതോടെ ലോകത്തെ ആകെ ഡ്രൈവറില്ലാ മെട്രോ ശൃംഖലയുടെ ഒമ്പതുശതമാനവും ഡിഎംആര്‍സിക്ക് സ്വന്തമാകും.
ഡിസംബര്‍ 28-നാണ് 37 കിലോമീറ്റര്‍ വരുന്ന മജന്ത ലൈനില്‍ രാജ്യത്തെ ആദ്യ ഡ്രൈറില്ലാ സര്‍വീസ് ഡി.എം.ആര്‍.സി. ആരംഭിച്ചത്. പ്രധാനമന്ത്രി നരേന്ദ്ര മോദിയാണ് വീഡിയോ കോണ്‍ഫറന്‍സിങ്ങിലൂടെ സര്‍വീസ് ഉദ്ഘാടനം ചെയ്തത്. മാസങ്ങള്‍ക്കകം 57 കിലോമീറ്റര്‍ വരുന്ന പിങ്ക് ലൈനിലും ഡ്രൈവറില്ലാ സര്‍വീസ് ആരംഭിക്കും.
