ദുബായ് : ദുബായില്‍ രണ്ടാഴ്ചത്തേയ്ക്ക് ഇനി 24 മണിക്കൂര്‍ സമയവും , അണുനശീകരണ യഞ്ജം നടത്താന്‍ ഉത്തരവായി. കൊവിഡ് രോഗികളുടെ എണ്ണം, ദുബായില്‍ അനുദിനം വര്‍ധിച്ച പശ്ചാത്തലത്തിലാണ് ഈ സുപ്രധാന തീരുമാനം. ഇതോടെ, അടുത്ത രണ്ടാഴ്ചത്തേയക്ക്, ദുബായ് നഗരം ഭാഗികമായി സ്തംഭിക്കും. അവശ്യ സാധന വിഭാഗങ്ങളെ, ഈ 24 മണിക്കൂര്‍ നിയന്ത്രണത്തില്‍ തല്‍ക്കാലം ഒഴിക്കാക്കി. ഏപ്രില്‍ നാല് ശനിയാഴ്ച രാത്രി എട്ടു മുതല്‍ ഈ 24 മണിക്കൂര്‍ നിയന്ത്രണം നഗരത്തില്‍ നടപ്പിലായി.
