ചെങ്ങന്നൂര്‍: ഭാസ്‌ക്കരക്കാരണവരുടെ കൊലപാതകക്കേസില്‍ പ്രതിയായ ഷെറിന്റെ ജയില്‍ മോചനത്തില്‍ വലിയ വിവാദമാണ് ഉയരുന്നത്. ജീവപര്യന്തം തടവു ശിക്ഷിക്കപ്പെട്ട ഷെറിനെ ജയില്‍ മോചിതയാക്കാനുള്ള മന്ത്രിസഭയുടെ തീരുമാനം നിരവധി പ്രക്ഷോഭങ്ങള്‍ സൃഷ്ടിച്ചിരിക്കുകയാണ്. 2024 ആഗസ്റ്റ് 8-ന് ആഭ്യന്തര വകുപ്പ് ശിക്ഷാ ഇളവ് ശുപാര്‍ശ ചെയ്തുവെങ്കിലും, 5 മാസം കൊണ്ട് കൃത്യമായ നടപടികള്‍ നടപ്പിലാക്കുകയായിരുന്നു. ഈ നീക്കത്തില്‍ 20 വര്‍ഷം തടവ് അനുഭവിച്ചിട്ടുള്ളവരെയും പിന്തള്ളിയെന്നാണ് ആരോപണം ഉയരുന്നത്. എന്നാല്‍ ഷെറിന്‍ ഈ കേസില്‍ 14 വർഷം പൂർത്തിയാക്കി. അതേസമയം, ഷെറിന്റെ ജയില്‍ മോചനത്തിനായി ഒരു മന്ത്രിയുടെ ഇടപെടലുണ്ടായെന്ന നിഗമനവും ഭാസ്‌കര കാരണവരുടെ കുടുംബം പുറത്തുവിട്ടിരിക്കുന്നു.
2009 നവംബറില്‍, ചെറിയനാട് തുരുത്തിമേല്‍ കാരണവേഴ്‌സ് വില്ലയില്‍ ഭാസ്‌ക്കര കാരണവരെ കൊലപ്പെടുത്തിയത് ഷെറിനായിരുന്നു. 2001-ല്‍ വിവാഹിതരായ ഇവര്‍ക്ക് സാമ്പത്തിക പ്രതിസന്ധികള്‍ ഉണ്ടായിരുന്നു. ഷെറിനെ സ്വത്ത് അവകാശത്തില്‍ നിന്ന് നീക്കിയതാണ് കൊലപാതക കാരണം. . ഷെറിന്റെ സുഹൃത്ത് ബാസിത് അലിയും മറ്റു രണ്ട് പേരും ചേർന്നാണ് കൊലപാതകം നടത്തിയത്. കൊലപാതകം നടത്തിയവരില്‍ ഷെറിന്‍, ബാസിത്, ശാനു, നിഥിന്‍ എന്നിങ്ങനെ പ്രതികള്‍ ഉള്‍പ്പെടുന്നു.
