തിരുവനന്തപുരം: വാരണാസി മലയാളി സമാജവും റോമൻ കാത്തോലിക് ഡയോസിസ് വാരണാസിയും വയനാട്ടിലെ ദുരന്തബാധിതർക്കായി സമാഹരിച്ച ധനസഹായം സർക്കാരിന് കൈമാറി. മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്ത തുക മുഖ്യമന്ത്രിയുടെ അഭാവത്തിൽ സാംസ്‌കാരിക മന്ത്രി സജി ചെറിയാൻ ഏറ്റുവാങ്ങി.വാരണാസി മലയാളി സമാജം പ്രസിഡണ്ട് ബിജു പി കോശി 1264602 രൂപയുടെ ചെക്ക് മന്ത്രിയ്ക്കു കൈമാറി. വാരണാസി മലയാളി സമാജ അംഗം ദയമോനും കടകംപള്ളി സുരേന്ദ്രൻ എംഎൽഎയും ദുരിതാശ്വാസ നിധി കൈമാറൽ ചടങ്ങിൽ സംബന്ധിച്ചു.
