ആലപ്പുഴ: വയനാട്ടിലെ യുഡിഎഫ് സ്ഥാനാർത്ഥി രാഹുൽ ഗാന്ധിയുടെ നാളത്തെ കേരള സന്ദർശനം റദ്ദാക്കി. കോൺഗ്രസ് സ്ഥാനാർത്ഥികളുടെ പ്രചാരണത്തിനായി രാഹുല്‍ ഗാന്ധി നാളെ കേരളത്തിലെത്തുമെന്നായിരുന്നു അറിയിപ്പ്. എന്നാല്‍ ആരോഗ്യപ്രശ്നങ്ങളെ തുടർന്നാണ് സന്ദർശനം റദ്ദാക്കിയതെന്ന് കെപിസിസി നേതൃത്വം അറിയിച്ചു. ചാവക്കാട്, കുന്നത്തൂർ , ആലപ്പുഴ എന്നിവിടിങ്ങളിലായിരുന്നു രാഹുല്‍ ഗാന്ധിയുടെ പ്രചാരണ പരിപാടികള്‍. എന്നാല്‍ ഇതെല്ലാം റദ്ദാക്കി. ഇന്ന് ജാർഘണ്ഡിലെ ഇന്ത്യ സഖ്യ റാലിയില്‍ നിന്നും ആരോഗ്യപ്രശ്നങ്ങളെ തുടർന്ന് രാഹുൽ ഗാന്ധി വിട്ടുനിന്നിരുന്നു.
