പതിനാറാം കേരള നിയമസഭയുടെ പതിനാലാം സമ്മേളനത്തിന് ഇന്ന് സമാപനമാകും. അവസാന ദിനമായ ഇന്നും സഭ പ്രക്ഷുബ്ദമാകാനാണ് സാധ്യത. കെ.എസ്.യു മാർച്ചിനിടെ ഷാഫി പറമ്പിൽ എം എൽ ഉൾപ്പെടെയുള്ളവർക്ക് മർദനമേറ്റ സംഭവം പ്രതിപക്ഷം ഇന്നും നിയമസഭയിൽ ഉന്നയിക്കും. ഈ വിഷയത്തിൽ ഇന്നലെ പ്രതിപക്ഷം നിയമസഭ സ്തംഭിപ്പിക്കുകയും സ്പീക്കറുടെ ഡയസിൽ കയറി പ്രതിഷേധിക്കുകയും ചെയ്തിരുന്നു. അതേസമയം എം.എൽഎ മാർ ഡയസിൽ കയറി പ്രതിഷേധിച്ച സംഭവത്തിൽ എന്ത് നടപടി എടുക്കണമെന്ന കാര്യത്തിൽ സ്പീക്കറുടെ തീരുമാനം ഇന്ന് ഉണ്ടാകും.
