ഇന്ധനവില വീണ്ടും വർധിപ്പിച്ചു. പെട്രോളിന് 30 പൈസയും ഡീസലിന് 37 പൈസയുമാണ് വർധിച്ചത്. രണ്ടാഴ്ച കൊണ്ട് പെട്രോളിന് 2.67 രൂപയും ഡീസലിന് 3.39 രൂപയും കൂട്ടി. തുടർച്ചയായ 16-ാം ദിവസമാണ് ഇന്ധനവില വർധിപ്പിച്ചിരിക്കുന്നത്. തിരുവനന്തപുരത്ത് പെട്രോൾ വില 106 കടന്നു. 106 രൂപ 8 പൈസയാണ് ഒരു ലിറ്റർ പെട്രോൾ വില. ഡീസലിന് 97 രൂപ 78 പൈസ. കൊച്ചിയിൽ ഡീസലിന് 97 രൂപ 76 പൈസയും, പെട്രോളിന് 104 രൂപ 27 പൈസയുമാണ് ഇന്നത്തെ വില.