തൃക്കാക്കര ഉപതെരഞ്ഞെടുപ്പ് വോട്ടെടുപ്പില് പോളിംഗ് 38 ശതമാനം കടന്നു. ഇത്തവണ പോളിംഗ് 75 ശതമാനം കടക്കുമെന്ന പ്രതീക്ഷയിലാണ് മുന്നണികൾ. വൈകിട്ട് 6 മണി വരെയാണ് പോളിംഗ്. ഇതുവരെ 74,764 പേർ വോട്ട് ചെയ്തു.
ആകെ 1,96,805 വോട്ടര്മാരാണുള്ളത്. 3633 പേര് കന്നി വോട്ടര്മാരാണ്. 1,01,530 സ്ത്രീ വോട്ടര്മാരുണ്ട്. ട്രാന്സ്ജെന്ഡര് വിഭാഗത്തില് ഒരു വോട്ടറുണ്ട്. 164 ബൂത്തുകളാണ് സജ്ജമാക്കിയിട്ടുള്ളത്. 75 ഓക്സിലറി ബൂത്തുകളുണ്ട്. അഞ്ചു മാതൃകാ പോളിംഗ് സ്റ്റേഷനുകളും വനിതകള്മാത്രം നിയന്ത്രിക്കുന്ന ഒരു പോളിംഗ് സ്റ്റേഷനും ഒരുക്കിയിട്ടുണ്ട്.