കാണാതായ പോലീസ് ഇന്‍സ്‌പെക്ടര്‍ വി.എസ്. നവാസിനെ കണ്ടെത്തുന്നതിന് കൊച്ചി സിറ്റി ഡെപ്യൂട്ടി പോലീസ് കമ്മീഷണര്‍ ജി. പൂങ്കുഴലിയുടെ നേതൃത്വത്തില്‍ പ്രത്യേകാന്വേഷണ സംഘത്തിന് രൂപം നല്‍കി. തൃക്കാക്കര പോലീസ് അസിസ്റ്റന്റ് കമ്മീഷണര്‍ കെ. സ്റ്റുവര്‍ട്ട് കീലര്‍, പാലാരിവട്ടം പോലീസ് ഇന്‍സ്‌പെക്ടര്‍ ശ്രീജേഷ് പി.എസ് എന്നിവര്‍ ഉള്‍പ്പെടെ 20 അംഗ സംഘത്തിനാണ് രൂപം നല്‍കിയത്.
ക്രമസമാധാനച്ചുമതലയുള്ള എ.ഡി.ജി.പി ഡോ. ഷേയ്ക്ക് ദര്‍വേഷ് സാഹിബ്, കൊച്ചി സിറ്റി പോലീസ് കമ്മീഷണര്‍ വിജയ് എസ്.സാക്കറെ എന്നിവര്‍ അന്വേഷണത്തിന് മേല്‍നോട്ടം വഹിക്കും.
