ഇടുക്കി മൂന്നാര്‍ രാജമല പെട്ടിമുടിയില്‍ മണ്ണിടിച്ചിലില്‍ 8 പേര്‍ മരിച്ചു. 12 പേരെ രക്ഷപ്പെടുത്തി ആശുപത്രിയിലേക്ക് മാറ്റി. 58 പേര്‍ മണ്ണിനടിയിലെന്നാണ് വിവരം. അതേസമയം, ഇടുക്കിയില്‍ അതിതീവ്രമഴയ്ക്ക് സാധ്യതയെന്ന് കാലാവസ്ഥ നിരീക്ഷണകേന്ദ്രം. ജില്ലയില്‍ ഇന്നും നാളെയും റെഡ് അലര്‍ട്ട് പ്രഖ്യാപിച്ചു.
അതിനിടെ തകർന്ന പെരിയവര പാലം ശരിയാക്കി. പാലത്തില്‍ കൂടി താല്‍ക്കാലികമായി ഗതാഗതം സാധ്യമാക്കി. രക്ഷാപ്രവർത്തനത്തിന് എന്‍ഡിആർഎഫ് സംഘം ആലപ്പുഴ, തൃശൂര്‍, ഏലപ്പാറ എന്നിവിടങ്ങളില്‍ നിന്ന് തിരിച്ചു. ഇതിനിടെ മൂന്നാർ ദേശീയപാതയില്‍ ഉരുള്‍പൊട്ടലിനെ തുടർന്ന് രാജമലയിലേക്ക് യാത്രതിരിച്ച ആരോഗ്യപ്രവര്‍ത്തകരും എന്‍ഡിആര്‍എഫ് സംഘവും കുടുങ്ങിക്കിടക്കുകയാണ്.
