ലിജോ ജോസ് പെല്ലിശ്ശേരി ചിത്രം ‘ജല്ലിക്കെട്ട്’ ഇന്ത്യയില്‍ നിന്നുള്ള ഓസ്‌കര്‍ എന്‍ട്രിയായി തെരഞ്ഞെടുക്കപ്പെട്ടു. വിദേശചിത്രവിഭാഗത്തിലാണ് ചിത്രം മത്സരിക്കുക. ഏറെ നിരൂപക പ്രശംസ നേടിയ ചിത്രം നിരവധി പുരസ്‌കാരങ്ങളും സ്വന്തമാക്കിയിരുന്നു. 93-ാമത് ഓസ്‌കര്‍ പുരസ്കാരം ഏപ്രില്‍ 25ന് പ്രഖ്യാപിക്കും. ഓസ്കർ എന്‍ട്രി ലഭിക്കുന്ന മൂന്നാമത്തെ ചിത്രമാണ് ജല്ലിക്കെട്ട്. 1997ല്‍ മോഹന്‍ലാല്‍ ചിത്രം ഗുരുവും 2011ല്‍ സലീംഅഹമ്മദ് സംവിധാനം ചെയ്ത ആദാമിന്‍റെ മകന്‍ അബുവും ഓസ്കർ നോമിനേഷന്‍ ലഭിച്ചിരുന്നു.
