തിരുവനന്തപുരം: പിന്നാേക്ക വിഭാഗങ്ങളുടെ തൊഴിലവസര സാധ്യതകൾ സർക്കാർ തല്ലിക്കെടുത്തുകയാണെന്ന് മുൻ മുഖ്യമന്ത്രി ഉമ്മൻ ചാണ്ടി. പിൻവാതിൽ നിയമന നടപടികളിൽ നിന്ന് സർക്കാർ പിന്തിരിയണമെന്നും നിലപാട് പുന പരിശോധിക്കണമെന്നും അദ്ദേഹം ആവശ്യപ്പെട്ടു.
പിൻവാതിൽ നിയമനങ്ങൾക്കെതിരെയും സാമൂഹ്യ നീതി നിഷേധത്തിനെതിരെയും കെപിസിസി ഒബിസി ഡിപ്പാർട്ട്മെന്‍ഡ് സംസ്ഥാന ചെയർമാൻ സുമേഷ് അച്യുതൻ നയിച്ച ഫൈറ്റ് ഫോർ റൈറ്റ് 48 മണിക്കൂർ ഉപവാസ സമരത്തിന്‍റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. യുഡിഎഫ് നേതാക്കളും, കോൺഗ്രസ്‌ എംപിമാരും, എംഎൽഎമാരും സമരത്തിന് ഓൺലൈനിലൂടെ ഐക്യദാർഢ്യം പ്രഖ്യാപിച്ചു. പൂർണ്ണമായും കൊവിഡ് മാനദണ്ഡങ്ങൾ പാലിച്ചായിരുന്നു സമരം.