കേന്ദ്ര സർക്കാർ ജനങ്ങളുടെ കണ്ണീരില്‍ നിന്നും ലാഭമുണ്ടാക്കുന്നുവെന്ന് മുന്‍ മുഖ്യമന്ത്രി ഉമ്മന്‍ചാണ്ടി. ഇന്ധന വിലവർധനവിൽ നികുതി കുറയ്ക്കാൻ സംസ്ഥാന സർക്കാർ തയ്യാറാകണം. കേന്ദ്ര സർക്കാർ നികുതി കൂട്ടിയത് ശരിയല്ലെന്ന് പറയുമ്പോഴും നികുതി കൈനീട്ടി വാങ്ങുകയാണ് സംസ്ഥാന സർക്കാർ ചെയ്യുന്നതെന്നും അദ്ദേഹം തിരുവനന്തപുരത്ത് പറഞ്ഞു.
പുതിയ മദ്യനയത്തിലൂടെ കേരളത്തെ മദ്യത്തിൽ മുക്കിക്കൊല്ലാനുള്ള ശ്രമമാണ് സംസ്ഥാന സർക്കാർ നടത്തുന്നത്. സർക്കാരിന്‍റെ പുതിയ മദ്യ നയത്തോട് ഒരിക്കലും യോജിക്കാനാവില്ലെന്നും അദ്ദേഹം വ്യക്തമാക്കി .