രാജ്യം ഏകാധിപതികളുടെ കൈയിലെന്നു കെ സി വേണുഗോപാൽ. ആൾക്കൂട്ട കൊലപാതകങ്ങളിലും, പ്രധാനമന്ത്രിക്ക് കത്തെഴുതിയത്തിന്‍റെ പേരിൽ സാംസ്‌കാരിക പ്രമുഖരുടെ പേരിൽ കേസെടുത്ത നടപടിയിലും പ്രതിഷേധിച്ച് ഡിസിസിയുടെ ആഭിമുഖ്യത്തിൽ സംഘടിപ്പിച്ചു പ്രതിഷേധ കൂട്ടായ്മ ഉത്ഘാടനം ചെയ്ത് സംസാരിക്കുകയായിിരുന്നു അദ്ദേഹം .
നരേന്ദ്ര മോഡി വിഡ്ഢികളുടെ സ്വർഗത്തിലാണെന്ന് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ.സർക്കാരിന്‍റെ നെറികേടുകൾ ന്യായീകരിച്ചില്ലെങ്കിൽ കേസെടുക്കുമെന്ന സന്ദേശമാണ് മോദി സർക്കാർ നൽകുന്നതെന്നും അദ്ദേഹം പറഞ്ഞു .
മഹാത്മ ഗാന്ധിയെ മോശമായി ചിത്രീകരിച്ച് ഗോഡ്സേയെ മഹത്വവത്കരിക്കുകയാണെന്നും അദ്ദേഹം പറഞ്ഞു . പ്രതിഷേധ കൂട്ടായ്മയിൽ പ്രമുഖ സാഹിത്യകാരനായ പെരുമ്പടവം ശ്രീധരൻ, ഐ എൻ റ്റി.യു.സി ദേശീയ സെക്രട്ടറി പാലോട് രവി, വി.എസ് ശിവകുമാർ എം.എൽ.എ ,ഡി.സി.സി പ്രസിഡന്റ് നെയ്യാറ്റിൻകര സനൽ എന്നിവരും പങ്കെടുത്തു .
