മുംബൈ: ബിനോയ് കോടിയേരിയുടെ മുന്കൂര് ജാമ്യാപേക്ഷയില് വിധി പറയുന്നത് മുംബൈ ദിന്ഡോഷി കോടതി ജൂണ് 27ലേക്ക് മാറ്റിവെച്ചു. ഇന്ന് വിധി പറയുമെന്നാണ് കോടതി അറിയിച്ചിരുന്നതെങ്കിലും തിങ്കളാഴ്ച കേസ് പരിഗണിച്ചപ്പോഴാണ് വിധി പറയുന്നത് വ്യാഴാഴ്ചത്തേക്ക് മാറ്റിവെച്ചതായി അറിയിച്ചത്. ബിഹാര് സ്വദേശിനി നല്കിയ പീഡനക്കേസിലാണ് സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയ് കോടിയേരി മുന്കൂര് ജാമ്യംതേടി കോടതിയെ സമീപിച്ചത്.
അതിനിടെ പരാതി നല്കിയ യുവതി ബിനോയ് കോടിയേരിയുമായുണ്ടായിരുന്ന ബന്ധം വ്യക്തമാക്കുന്ന കൂടുതല് തെളിവുകള് മുംബൈ പോലീസിനു കൈമാറി. പാസ്പോര്ട്ട്, കുട്ടിയുടെ ജനനസര്ട്ടിഫിക്കറ്റ്, ബാങ്ക് അക്കൗണ്ട് രേഖകള് എന്നിവ ഇതില്പ്പെടും.