ദുബായ്: കോവിഡ് ജാഗ്രതയെത്തുടര്ന്ന് പുറംകടലില് കുടുങ്ങിക്കിടന്ന കപ്പലിന് ഷാര്ജ തുറമുഖത്ത് പ്രവേശനാനുമതി. ഇന്ത്യന് എംബസി ഇടപ്പെട്ടതിനെ തുടര്ന്നാണ് പ്രവേശനാനുമതി ലഭിച്ചത്. ശനിയാഴ്ച അര്ധരാത്രി കപ്പല് ഷാര്ജ തുറമുഖത്ത് എത്തും. കോവിഡ് ഭീഷണിയെ തുടര്ന്നാണ് കപ്പലിന് അനുമതി നിഷേധിച്ചത്. കപ്പലില് മൂന്നു മലയാളികള് ഉള്പ്പെടെ ഏഴ് ഇന്ത്യക്കാരാണുള്ളത്.
തിരുവനന്തപുരം സ്വദേശി ഷിബു,പാലക്കാട് സ്വദേശി രജീഷ്, കോഴിക്കോട് സ്വദേശി പ്രകാശൻ എന്നിവരാണ് കപ്പലിലുള്ള മലയാളികൾ. അഞ്ച് ദിവസം മുൻപ് ഷാർജ പുറംകടലിൽ എത്തിയ കപ്പൽ ഇറാനിലേക്ക് തന്നെ മടക്കിഅയക്കാൻ കമ്പനി അധികൃതർ പറഞ്ഞതോടെയാണ് ജീവനക്കാർ പ്രതിസന്ധിയിലായത്.