പത്തനംതിട്ട ഡി.സി.സി ജനറല്‍ സെക്രട്ടറിയും മുൻ പന്തളം ബ്ളോക്ക് പഞ്ചായത്ത് പ്രസിഡന്‍റുമായ വൈ യാക്കൂബ് അന്തരിച്ചു. 58 വയസായിരുന്നു. ഹൃദയാഘാതത്തെ തുടർന്ന് ഇന്ന് പുലർച്ചെയോടെയായിരുന്നു അന്ത്യം. പന്തളം പ്ലാന്തോട്ടത്തിൽ കുടുംബാംഗമാണ്. വൈകിട്ട് 4 മണിക്ക് കടയ്ക്കാട് ജുമാ മസ്ജിദിൽ ഖബറടക്കം നടക്കും.
വൈ യാക്കൂബിന്‍റെ നിര്യാണത്തിൽ കെ.പി.സി.സി വക്താവും പത്തനംതിട്ട ജില്ലാ യു.ഡി.എഫ് ചെയർമാനുമായ പന്തളം സുധാകരൻ അനുശോചിച്ചു. യാക്കൂബിന്‍റെ നിര്യാണത്തെ തുടർന്ന് ഡി.സി.സിയുടെ ഇന്നത്തെ എല്ലാ പരിപാടികളും മാറ്റിവെച്ചു.